2 Samweli 1:10 - Bibliya Yera 1951 1967 (Burundi)

¹⁰ Nuko ndamwēgēra, ndamuhohosha, kuko nabona neza kw atagikira, ni yaramuka atemvye. Ndaheza ndamukoba igitsibo cari mu mutwe, n’umuringa wari ku kuboko; none ndabikuzaniye hano, mugenzi.

2 Samweli 1:10 ပူးပေါင်းရင်းမြစ်များ

2 Samweli 1:16

Dawidi aramubarira, at’ Amaraso yawe abe ari wewe aja ku mutwe, kukw akanwa kawe ari ko kakubereye icagirizi, nk’uko wivugiye ko wishe uwo Uhoraho yimikishije amavuta.

2 Samweli 1:9

Arambarira, at’ Igira hino, untabare umpohoshe, ati Kuko nsigaye nd’ intēre, naho nkibona.

2 Samweli 12:30

Akūra Milikomu igitsibo mu mutwe, kuriba kwaco kwar’ italanto y’izahabu, kandi cari gihunzwek’ utubuyenge tw’igiciro kinini; nuko bacambika Dawidi mu mutwe. Maze mur’ ico gisagara akūramw’ amasahu menshi cane.

2 Abami 11:12

Maze Yehoyada asohokana uwo mwana w’umwami, amwambika igitsibo c’ubgami amuha n’Ibishinga intahe. Nuko bamwimikisha amavuta, bamugira umwami; maze bakoma amashi, baravuga, bat’ Umwami n’ahangame!

GUCURA INTIMBA 5:16

Ibitsibo vyo ku mitwe yacu birakorotse: Tubonye ibara, kuko twakoze ivyaha.

Matayo 7:2

Kuko, uko muhinyura abandi, ari ko muzohinyurwa namwe; kand’ ingero mugeramwo muzoyigererwa namwe.

Abacamanza 1:7

Adoni‐bezeki aravuga, at’Abami mirongwirindwi naciye ibikumu n’amano manini bāhora batoragura utwo barya musi y’ameza yanje: uko nabagiriye ni kw Imana inshubirije mu nkōko. Nuko bamujana i Yerusalemu, agwayo.

Abacamanza 9:54

Aca ahamagara umuhungu w’umusore amutwaje ibirwanishwa, ati Sokōra inkota yawe, umpohoshe, boye kuzovuga, ngo Yishwe n’umugore. Nuk’ uwo muhungu aramusogota, arapfa.

1 Samweli 22:18

Maz’ umwami abarira Dowegi, ati Kūra hasi weho, wice abo baherezi. Nuko Dowegi Umunyedomu akūra hasi, arabica; uwo musi yica abantu mirongumunani na batanu bambara efodi yera derere.