2 Petero 1:13 - Bibliya Yera 1951 1967 (Burundi)

¹³ Ndiyumvira yuko nkwiye kubakangura mbibutsa, nkiri mur’ uru rusago.

Bibiliya mu Kirundi coroshe

¹³ Nibaza ko ari vyiza kubibibutsa nkiri muri uru rusago ari rwo mubiri,

2 Petero 1:13 ပူးပေါင်းရင်းမြစ်များ

Yesaya 38:12

Inzu yanje ikūweho, imvanyweko nk’ukw ihema ry’ umwungere ritaragama. Ubugingo bganje ndabuzinze nk’uk’ ūjisha azinga; agira ancācūre ku mambo: Umusi ugeze kwīra azoba amaze kumpeza.

Hagayi 1:14

Maz’ Uhoraho akangura umutima wa Zerubabeli yaganza i Buyuda, mwene Sheyalitiyeli, n’umutima wa Yosuwa umuherezi mukuru, mwene Yehozadaki, n’imitima y’amasigarira yose y’iryo hanga; baraza batangura gukora ku ngoro y’Uhoraho Nyen’ ingabo Imana yabo,

2 Korinto 5:8

ego me turinda mu mutima, kand’ ico turushiriza gukunda ngiki: n’ukugerēra kure y’umubiri, tukaba i wacu ku Mwami wacu.

Filipi 1:7

Nanje birambereye kubiyumvirako ntyo mwese, kuko mbafise mu mutima, kuko mu ngoyi zanje, no mu gukiranira ubutumwa bgiza no kubucimbataza, mwese musangiye nanje ubuntu bg’Imana.

Filipi 3:10

ngo ndamumenye, mmenye n’ubushobozi bg’ukuzuka kwiwe, n’ugufatanya na we imibabaro yiwe, nshushanywe n’urupfu rwiwe,

2 Timoteyo 1:6

Ni co gituma nkwibutsa gufurūra ingabire y’Imana iri muri wewe ngo yake, yagushizwemwo no kurambikwakw ibiganza vyanje.

Abaheburayo 13:3

Mwibuke ababoshwe nk’ababohanywe na bo: mwibuke n’abagirirwa nabi, kuko namwe muri mu mubiri.

2 Petero 1:12

Ni co gituma imisi yose ntazotenzura kubibutsa ivyo, naho mubizi mukaba mushikamye mu kuri kuri muri mwebge.

2 Petero 1:14

Kuko nzi yukw igihe co kwamburwa urusago rwanje kiza kuza gitebutse, nk’uk’ Umwami wacu Yesu Kristo yammenyesheje.

2 Petero 3:1

Abo nkunda, non’ iki ni co cete ca kabiri mbandikiye, mur’ ivyo vyompi ndakangura imitima yanyu ikeye, mbibutsa;