2 Korinto 1:4 - Bibliya Yera 1951 1967 (Burundi)

⁴ itwirura mu marushwa yacu yose, kugira ngo natwe tubone uko twirura imibabaro abari mu marushwa yose, tuyibiruza uko natwe twiruwe n’Imana.

Bibiliya mu Kirundi coroshe

⁴ we aduha ukwirurwa mu bihe vy’imibabaro kugira ngo natwe twiruze abandi ukwirurwa twahawe n’Imana.

2 Korinto 1:4 ပူးပေါင်းရင်းမြစ်များ

Zaburi 32:5

Nakwemereye icaha canje, sinatwikiriye ukugabitanya kwanje; Naravuze, nti Ndāturira Uhoraho ibicumuro vyanje: Nawe umparira ukugabitanya kw’icaha canje. Sela.

Zaburi 32:7

Ni wewe bgihisho bganje, uzondinda amagorwa, Uzonkikiza impundu z’uko ndokotse. Sela.

Zaburi 66:16

Yemwe abubaha Imana mwese, ni muze mwumve, Nanje mvuge ivyo yagiriye ubugingo bganje.

Zaburi 86:17

Unyereke ikimenyetso c’ivyiza, Kugira ngw abanyanka bakirābe bamāramāre; Kuko wewe Uhoraho, untabaye, ukammara umubabaro.

Yesaya 12:1

Kur’ uwo musi uzovuga, ut’ Uhoraho, ndagukengurukiye, kuko naho wandakiye, uburake bgawe burahwamye, nawe uramporahoje.

Yesaya 40:1

Ni muhūmurize abantu banje, ni mubahūmurize, ni kw Imana yanyu igize.

Yesaya 49:10

Ntibazokwicwa n’inzara canke n’inyota, kand’ indugumba ntizobahundagaza cank’ izuba: kuk’ uwabagiriye ikigongwe azobaja imbere, akabashikana no ku masōko y’amazi.

Yesaya 51:12

Ni jewe, ni jewe nyene mbahūmuriza; uri nde utinya umuntu, kand’ azopfa; n’umwana w’ umuntu, kand’ azohinduka nk’ivyatsi?

Yesaya 51:3

Kuko jewe Uhoraho namaze Siyoni umubabaro; namaze umubabaro imisaka yaho yose, kand’ ubugaragwa bgaho nabugize nka Edeni, n’ubgeranyange bgaho nabugize nk’itongo ryanje, jewe Uhoraho; hazobonekamw’ umunezero n’uguhimbarwa, bo n’ishimwe n’ijwi ry’inanga.

Yesaya 52:9

Ni muturike munezerwe, muririmbire hamwe, yemwe misaka y’i Yerusalemu: kuk’ Uhoraho aremesheje abantu biwe, acunguye Yerusalemu.

Yohana 14:16

nanje nzosaba Data, na we azobaha uwundi Mwitsa, ngw az’ abane namwe ibihe bidashira,

Yohana 14:18

Sinzobasiga nk’impfuvyi, nzoza kuri mwebge.

Yohana 14:26

arik’ Umwitsa, ari we Mpwemu Yera, uwo Data azorungika mw izina ryanje, ni we azobigisha vyose, kand’ azobibutsa ivyo nababariye vyose.

2 Korinto 7:13

Ni co catumye duhūmurizwa. Kandi mur’ ukwo guhūmurizwa turushiriza guterwa umunezero n’umunezero wa Tito, kuk’ umutima wiwe waruhuwe namwe mwese.

2 Korinto 7:4

Mvuga ntababembeteranyako na mba, ndabirata cane. Nuzuye ihūmure, ndushiriza kunezerwa mu marushwa yacu yose.

Filipi 1:14

Kand’ abenshi bo muri bene Data bari mu Mwami wacu, bāremeshejwe n’ingoyi zanje, barushiriza gutinyuka kuvuga ijambo ry’Imana bashize amanga.

1 Tesalonike 4:18

Nuko mwiruranishe ayo majambo.

1 Tesalonike 5:11

Nuko muhanūrane, mukomezanye, nk’uko mubikora nyene.

Abaheburayo 12:12

Nuko mugorore amaboko acitse urudendevu, n’amavi aregarega: