1 Samweli 9:6 - Bibliya Yera 1951 1967 (Burundi)

⁶ Na we aramwishura, at’ Erega mur’ iki gisagara harih’ umuntu w’Imana, kandi n’umunyacubahiro; ivyo avuga vyose bihora bishika; enda se tujeyo, kumbure yoturangira inzira tujana.

1 Samweli 9:6 ပူးပေါင်းရင်းမြစ်များ

Itanguriro 24:42

Maz’ uyu musi nshitse kw iriba, ndasenga, nt’ Ewe Uhoraho, Mana ya databuja Aburahamu, ni waba uhaye urugendo rwanje nagenze umugisha,

2 Samweli 15:27

Umwami arongera abarira Sadoki umuherezi, at’ Urumva, ni musubire ku murwa amahoro, mwe n’abahungu banyu bompi, Ahimasi umuhungu wawe na Yonatani mwene Abiyatari.

1 Abami 13:1

Yerobowamu agihagaze ku gicaniro, agira yōse imibavu, haza umuntu w’Imana avuye i Buyuda, aje i Beteli, azanywe n’ ijambo ry’Uhoraho.

2 Abami 5:8

Maze Elisa wa muntu w’Imana yumvise k’umwami w’Abisirayeli yitantamuriyekw impuzu ziwe, amutumako, uti N’iki gitumye witantamurirakw impuzu zawe? N’aze i wanje, aramenya yuko mu Bisirayeli harih’ ūvugishwa n’ Imana.

2 Abami 6:6

Uwo muntu w’Imana aramubaza, at’ Ikorokeye hehe? Arahamwereka. Araheza aca igiti, agiterera mu mazi, ya ncabiti irareremba.

Zaburi 25:12

Umuntu yubaha Uhoraho ni nde? Azomurangira inzira akwiye guhitamwo.

Yesaya 44:26

Nkomeza ijambo ry’umusavyi wanje, ngashitsa inama z’intumwa zanje, mvuga ivya Yerusalemu, nti Hazokwongera gutūrika; n’ivy’ ibisagara vy’i Buyuda, nti Bizokwubakwa, kandi nzovyutsa ahāsenyutse haho.

Matayo 24:35

Ijuru n’isi bizorangira, arikw amajambo yanje nta co azoba.

Gusubira mu Vyagezwe 33:1

Iyi ni yo mihezagiro Mose umuntu w’Imana yahezagiye Abisirayeli, atarapfa:

1 Tesalonike 2:10

Mwebge mur’ ivyabona hamwe n’Imana vy’ingene twamerera mwebge abizera, tur’ abera, tugororoka, tutarik’ umugayo:

1 Tesalonike 5:13

mububahe rwose mu rukundo kubg’ igikorwa cabo. Mubane amahoro.

1 Timoteyo 6:11

Ariko weho, muntu w’Imana, wame uhunga ivyo, arik’ ukurikire ukugororoka, n’ukwubaha Imana, n’ukwizera, n’urukundo, n’ukwihangana, n’ubugwaneza,

1 Samweli 2:27

Bukeye haza umuntu w’Imana kuri Eli, aramubarira, at’ Uku ni k’Uhoraho agize, ngo Mbega ntiyiyeretse inzu ya sogokuruza, bakiri muri Egiputa mu buja kwa Farawo?

1 Samweli 9:8

Uwo muntu yishura Sauli, at’ Ehe ndafise ikigirakane ca shekeli y’ifeza; ndagiha uwo muntu w’ Imana kugira ngw aturangire inzira.