1 Samweli 9:20 - Bibliya Yera 1951 1967 (Burundi)

²⁰ Kandi ku vya za ndogoba zawe, zimaze gatatu zizimiye, ntiziguhagarike umutima: zārabonetse. Mbeg’ ivy’ igikundiro vyose vyo mu Bisirayeli bibīkiwe nde? Si wewe nyene, n’inzu yose ya so?

1 Samweli 9:20 ပူးပေါင်းရင်းမြစ်များ

1 Ivyo ku Ngoma 29:3

Kandi rero, kubg’ urukundo nkunze iyo ngoro y’Imana yanje, har’ itunga ryanje nari mfise ry’amazahabu n’amafeza, na vyo ndabihaye iyo ngoro y’Imana yanje, bigereke ku vyo niteguriye iyo ngoro yera vyose;

Zaburi 62:10

Ntimwishimire agahahazo, Kandi ntimwizigire ubunyazi: Itunga ni ryagwira, ntimuze murishirekw imitima.

Kolosayi 3:2

Mushire imitima ku biri hejuru, ntimuyishire ku biri mw isi.

1 Samweli 10:16

Sauli yishura se wabo, ati Yatubariye neza kw indogoba zabonetse. Ariko ku vy’ubgami Samweli yamubariye, ntiyagira ico amukerukiriza.

1 Samweli 12:13

None rero, nguyo umwami mwitoranirije kandi mwasavye; Uhoraho abahaye umwami wo kubaganza.

1 Samweli 12:15

Ariko ni mutumvira Uhoraho, mugaca mu vyagezwe vyiwe, ukuboko kw’ Uhoraho kuzobarwanya, nk’uko kwarwanije ba sogokuruza.

1 Samweli 4:20

Maz’ ari hafi yo gucīkāna, abagore bāri bamuhagaze i ruhande baramubarira, bati Rema, kuk’ uvyaye umuhungu! Ariko nta co yabishura, canke ngw anabibabare.

1 Samweli 8:19

Arikw abantu banka kwumva ivyo Samweli ababariye, baravuga, bati Nta co biriko, turagomba umwami wo kutuganza,

1 Samweli 8:5

baramubarira, bat’ Ehe rāba urashaje, kand’ abahungu bawe ntibafise ingeso nk’izawe; none rer’ utwimikire umwami wo kuducīra imanza nk’ayandi mahanga yose.

1 Samweli 9:19

Samweli aramwishura, at’ Erega ni jewe nyene kamenyi; none hogi tuje ku mpinga y’umusozi, kuk’ uyu musi muribusangire nanje; maz’ ejo mu gitondo nzokurekura, ngusobanurire ibiri mu mutima wawe vyose.

1 Samweli 9:3

Bukeye indogoba za Kishi se wiwe ziratakara. Kishi abarira Sauli umuhungu wiwe, ati Hitana umwe mu banyarugo, muje kurondera izo ndogoba.