1 Samweli 7:10 - Bibliya Yera 1951 1967 (Burundi)

¹⁰ Samweli akirikw arosa ico kimazi, Abafilisitiya bēgereza Abisirayeli ngo bashireko, barwane. Arik’ Uhoraho kuri nya musi nyene aturikira hejuru y’ Abafilisitiya guturagara guhāmbāye, abaca umuhongo; Abisirayeli ni kwo kubanesha.

1 Samweli 7:10 ပူးပေါင်းရင်းမြစ်များ

Zaburi 18:15

Maz’ agataka ko musi y’amazi karaboneka, Amatanguriro y’isi aratwikururwa, Bitewe n’uguhana kwawe, Uhoraho, N’ugufūha kw’impwemu ziva mu mazuru yawe.

Zaburi 29:3

Ijwi ry’Uhoraho rihindira hejuru y’amazi: Imana y’icubahiro ihindisha inkuba, Ni we Uhoraho ahindishiriza inkuba hejuru y’amazi menshi.

Zaburi 29:4

Ijwi ry’Uhoraho rifise inkomezi; Ijwi ry’Uhoraho ryuzuye igitinyiro;

Zaburi 78:66

Ikubita abarwanizi bayo, ibasubiza inyuma, Ibahindura ruvumwa rudashira.

Zekariya 4:6

Aranyishura, ati Ngiri ijambo Uhoraho atumye kuri Zerubabeli, ati Si kubg’ inkomezi, si kubg’ ubushobozi, ariko ni kubga Mpwemu wanje, ni k’Uhoraho Nyen’ ingabo agize.

Gusubira mu Vyagezwe 28:7

Uhoraho azotuma abansi banyu babakūriye hasi batsindirwa imbere yanyu: bazozanana inzira imwe babateye, babahunge baciye mu nzira ndwi.

Yosuwa 10:10

Maz’ Uhoraho abaca umuhongo imbere y’Abisirayeli, babicira i Gibeyoni, barabahindikiranya, babakinagiza inzira yose idūga ija i Beti‐horoni, babica ingenda gushitsa i Azeka n’i Makeda.

Abacamanza 4:15

Maz’ Uhoraho ashwiragiriza imbere ya Baraki imikogote yose ya Sisera n’ingabo ziwe zose, abatsindisha inkota; Sisera arataruka ava mu mukogote wiwe, ahunga yiruka ku maguru.

Abacamanza 5:20

Inyenyeri zo kw ijuru ziratabara, Zirwanya Sisera zijanye inzira zazo.

Abacamanza 5:8

Igihe bitoraniriza izindi mana, Intambara zaciye zishika ku marembo yabo. Nta nkinzo cank’ icumu vyari bikiboneka Mu Bisirayeli naho boba ibihumbi mirongwine.

1 Samweli 12:17

Mbeg’ ubu si mw igenya ry’ingano? None ngira nsabe Uhoraho arungike imvura irimw’ imituragaro; muca mumenya kandi mubone kw ibigabitanyo vyanyu ari vyinshi, ivyo mwagabitanije imbere y’Uhoraho, ko mwisabiye umwami.

1 Samweli 14:15

Maze haba gucika ivutu aho bashagaje n’inyuma yaho, mbere no mu ngabo zose; abo mu nsago na ba banyazi na bo bagwa mu gatengo; isi na yo iratigita, haba gucika ivutu gutewe n’Imana.

1 Samweli 2:10

Abarwanya Uhoraho bazovunagurika, Azoturagara ari mw ijuru, abakankamire. Uhoraho azocira imanza abo ku mpera z’isi; Kand’ azoha inkomezi umwami wiwe, Ashire hejuru ihembe ry’uwo yimikishije amavuta.

1 Samweli 7:11

Ingabo z’ Abisirayeli ziva i Misipa, bakinagiza Abafilisitiya babica ingenda kurinda bashika musi y’i Beti‐kari.