1 Samweli 6:5 - Bibliya Yera 1951 1967 (Burundi)

⁵ Ni co gituma mukwiye kwicurishiriza ibishushanyo vy’ivyo bihute vyanyu, n’ibishushanyo vy’izo mbeba zabateye, zikonona igihugu; muteko mwubahe Imana y’Abisirayeli: kumbure yotenzura ukuboko kwayo, ikagukūra kuri mwebge no ku mana zanyu no ku gihugu canyu.

1 Samweli 6:5 ပူးပေါင်းရင်းမြစ်များ

1 Ivyo ku Ngoma 16:28

Yemwe miryango y’amahanga, mwaturire Uhoraho, Mwaturire Uhoraho ingen’ afise icubahiro n’inkomezi.

1 Ivyo ku Ngoma 16:29

Mwaturire Uhoraho ingen’ izina ryiwe ribereye icubahiro; Muze imbere yiwe muzanye ishikanwa. Musenge Uhoraho mwubashe, mushazishije ukwera.

Zaburi 18:44

Bumvise inkuru yanje baca baranyoboka, Abanyamahanga baje banyunamira bampema.

Zaburi 32:4

Kuk’ ukuboko kwawe kwandemēra ku murango no mw ijoro, Ukubengagira kwanje kugahinduka nk’ukwuma kwo mu ci. Sela.

Zaburi 39:10

Unkūrekw inkoni yawe: Mmazwe no gukubita kw’ ukuboko kwawe.

Zaburi 66:3

Mubgire Imana, mut’ Ereg’ ibikorwa vyawe biteye ubgoba! Ubushobozi bgawe bginshi buzotuma abansi bawe bose bakwunamira baguhema.

Kuvayo 12:12

Kuko mur’ iryo joro nyene nzoca mu gihugu ca Egiputa, nkica abana bose b’ imfura bo mu gihugu ca Egiputa, uhereye ku muntu no ku gitunzwe; kand’ imana z’Abanyegiputa zose, amatēka nziciriyeko zose nzoyashitsa: nd’ Uhoraho.

Kuvayo 8:17

Babigira bartyo; Aroni amanika ukuboko kwiwe gufashe ya nkoni, akubita umukungugu wo hasi, imibu iba ku bantu no ku bitungwa; umukungugu wose wo mu gihugu cose ca Egiputa uhinduka imibu.

Kuvayo 8:24

Uhoraho abigira artyo: amasinzi y’ibibugu aza ar’ icago mu ngoro ya Farawo no mu nzu z’abanyarugo biwe; kand’ igihugu cose ca Egiputa cononekara kubg’ ayo masinzi y’ibibugu.

Kuvayo 8:5

Uhoraho abarira Mose, ati Barira Aroni, uti Ramvura ukuboko kwawe gufise ya nkoni yawe hejuru y’inzūzi no ku migende y’ amazi no ku bidengeri, udūze ibikere bije mu gihugu ca Egiputa.

Yesaya 19:1

Imbūri yo kuri Egiputa. Rāba Uhoraho areruwe n’ igicu cihuta, aja muri Egiputa; ibigirwamana vyo muri Egiputa bizohindira agashitsi imbere yiwe, umutima wa Egiputa uzoyagira mu nda.

Yesaya 42:12

Ivyo ni vyubahe Uhoraho, vyamamaze ishimwe ryiwe mu baba ku kiyaga.

Yeremiya 13:16

Muheshe Uhoraho Imana yanyu icubahiro, atarazana umwiza, ibirenge vyanyu bitaratsitarira ku misozi icuze umwiza; namwe muciteze umuco akawuhindura igitūtu c’urupfu, akawugira umwiza w’umuzitanya.

Yeremiya 3:13

Pfa kwemera gusa ukugabitanya kwawe, ko wancumuyeko, jewe Uhoraho Imana yawe, ugakwiragira irya n’ino ku mana z’inyamahanga musi y’igiti cose gitōtahaye, ntiwumvire ijwi ryanje, ni jewe Uhoraho mbivuze.

Yoweli 2:25

Kandi nzobashumbusha iyo myaka mwamaze inzige zisanganguye ivyanyu, zimwe zāraraye n’izitaragurika n’iziyigiza n’izikegeta, ni zo za ngabo zanje nabagomoreye ngo zibatere.

Yona 3:9

Nta wubizi: kumbure Imana yohindukira, ikīgarura, ikareka uburake bgayo bg’inkazi, ntiduhone.

Malaki 2:2

Ni mwanka kwumva, mukanka kurishirak’ umutima, ntimuheshe izina ryanje icubahiro, ni k’Uhoraho Nyen’ ingabo agize, nzobavuma wa muvumo, n’imigisha yanyu nzoyivuma; mbere mmaze no kuyivuma, kuko mutarishizek’ umutima.

Guharūra 33:4

Basiga Abanyegiputa bagihamba imfura zabo zose, Uhoraho yatsinze hagati muri bo; kand’ Uhoraho yari yaciriyekw iteka imana zabo.

Yohana 9:24

Maze bahamagara ubugira kabiri wa muntu yahora ar’ impumyi, baramubgira, bati Ni wubahe Imana, twebge tuzi yuk’ uwo muntu ar’ umunyavyaha.

Yosuwa 7:19

Maze Yosuwa abarira Akani, ati Mwana wanje, enda ni wubahe Uhoraho Imana y’Abisirayeli, uyishire hejuru; mbarira ico wakoze, ntumpishe.

Ivyahishuwe 11:13

Uwo mwanya isi iratigita, ikigiracumi ca ca gisagara kirasenyuka, ukwo gutigita kwica abantu ibihumbi ndwi, abarokotse baterwa n’ubgoba, bahimbaza Imana Nyen’ ijuru.

Ivyahishuwe 14:7

Avuga n’ijwi rirenga, ati Mwubahe Imana, muyihimbaze, kukw igihe c’amateka yayo gishitse, musenge iyaremye ijuru n’isi n’ikiyaga n’amasōko y’amazi.

Ivyahishuwe 16:9

Abantu bababurwa n’indugumba nyinshi, barogota kw izina ry’Imana igaba ivyo vyago, ntibihana ngo bayihimbaze.

1 Samweli 5:11

Ni kwo gutuma ku baganwa bose b’Abafilisitiya, bakoraniraho, barababgira, bati Ni murungike iyi sandugu y’Imana y’Abisirayeli, isubire aho yahora, ireke kutumarana n’abacu; kuko mur’ ico gisagara cose urupfu rwari rwabaciye ivutu, kand’ ukuboko kw’Imana kwari kubashikamiye cane.

1 Samweli 5:9

Bamaze kuyishikanayo, ukuboko kw’Uhoraho kurwanya ico gisagara, kubaca ivutu; atērēra ibihute abo mur’ ico gisagara, abato n’abakuru, bisēsa ku mibiri yabo.

1 Samweli 6:8

Maze mwābīre ya sandugu y’Uhoraho, muyigereke kur’ uwo mukogote; kand’ ivyo bishushanyo vy’izahabu murungitse vyo kumuhongera, mubishire mu gasandugu i ruhande yayo; muheze muyirungike, igende.