1 Samweli 6:16 - Bibliya Yera 1951 1967 (Burundi)

¹⁶ Maze ba baganwa batanu b’Abafilisitiya babibonye, basubira i Ekuroni kur’ uwo musi nyene.

1 Samweli 6:16 ပူးပေါင်းရင်းမြစ်များ

Yosuwa 13:3

uhēreye ku ruzi Shihori rurābana na Egiputa, gushitsa ku rubibe rw’i Ekuroni ahahera i burārūko, ahavugwa kw ar’ ah’ Abanyakanani: kand’ abaganwa batanu b’Abafilisitiya n’aba: uw’i Gaza, n’uw’i Ashidodi, n’uw’i Ashikeloni, n’uw’i Gati, n’uw’i Ekuroni; bo n’igihugu c’Abavimu,

Abacamanza 16:5

Maz’ abaganwa b’ Abafilisitiya baja iy’ uwo mugore ari, baramubarira, bati Genda umuhendahende, umenye ah’ inkomezi ziwe nyinshi ziva, n’uburyo twomushobora, kugira ngo tubone kumuboha, tumumare amanyama; nawe tuzoguha amafeza, umuntu wese igihumbi n’ ijana.

Abacamanza 3:3

Hār’ abaganwa batanu b’Abafilisitiya, n’Abanyakanani bose, n’Abasidoni, n’Abahiwi bo ku musozi Lebanoni, uhereye ku musozi Bayali‐Herumoni ugashitsa ahafata i Hamati.

1 Samweli 5:10

Nukw iyo sandugu y’Imana bayirungika i Ekuroni. Igiserukayo, Abanyekuroni bavuza induru, bati Batuzaniye ya sandugu y’Imana y’Abisirayeli ngw itumarane n’ abacu!

1 Samweli 6:12

Izo nka zigenda zitumbereye i Beti‐shemeshi, zijana inzira y’iroro, zigenda zirābira inzira yose, ntizakebereza i buryo cank’ i bumoso; abaganwa b’Abafilisitiya baraziherekeza, bazishikana ku rubibe rw’i Beti‐shemeshi.

1 Samweli 6:4

Barababaza, bati Mbega tuyihongere impongano ki? Bati Muyihongere ibisa n’ibihute bitanu mucuze mw izahabu, n’ ibisa n’imbeba bitanu mucuze mw izahabu nyene, nk’ukw igitigiri c’abaganwa b’Abafilisitiya kingana; kukw icago cabashitseko mwese ari kimwe n’icashitse ku baganwa banyu.