1 Samweli 4:10 - Bibliya Yera 1951 1967 (Burundi)

¹⁰ Nukw Abafilisitiya bashirako bararwana, maz’ Abisirayeli baraneshwa, umuntu wese ahungira i we; haba agatikizo gakomeye: mu Bisirayeli hapfa ingabo ibihumbi mirongwitatu.

1 Samweli 4:10 ပူးပေါင်းရင်းမြစ်များ

2 Samweli 18:17

Nuko bajana ikiziga ciwe, bagishiburira mu rwobo runini rwar’ aho mu kibira, bakirundakw ikirundo c’amabuye kinini cane; nukw Abisirayeli bose baratemesha, umuntu wese ahungira i we.

2 Samweli 18:7

Abisirayeli baneshwa n’abantu ba Dawidi; uwo musi haba agatikizo gakomeye, hapfa ibihumbi mirongwibiri,

2 Samweli 19:8

Nuk’ umwami aca arahaguruka, aja kuvyagira ku kirimba. Maze babarira abantu bose, bat’ Ereg’ umwami avyagiye ku kirimba. Nukw abantu bose baza kumushengerera. Kand’ Abisirayeli bose bari barashwiragiye, umuntu wese aja i we.

2 Samweli 20:1

Hār’ umuntu w’umugesera yitwa Sheba, mwene Bikuri Umubenyamini; aca avuza inzamba, aravuga, ati Dawidi nta co tumwegako, nta mugabane dufise kuri mwene Isayi: yemwe Bisirayeli, hogi twitahire, umuntu wese aje i muhira!

1 Abami 12:16

Maz’ Abisirayeli bose babonye yuk’ umwami yanse kubemerera, baramubarira, bati Dawidi har’ ico tumwegako? Eka nta mugabane dufise kuri mwene Isayi: yemwe Bisirayeli, hogi twitahire i muhira! Nawe Dawidi, urimenya, mwe n’umuryango wawe! Nukw Abisirayeli baritahira, basubira i wabo.

1 Abami 22:36

Maze nko ku kirengazuba humvikana akāmo mu ngabo, ngo Ni mutahe, musubire mu bisagara vyanyu no mu ntāra z’i wanyu.

2 Abami 14:12

Maz’ Abayuda baneshwa n’Abisirayeli, umuntu wese ahungira i we.

2 Ivyo ku Ngoma 13:17

Abiya n’ingabo ziwe babatikiza agatikizo gakomeye; mu ngabo z’ Abisirayeli z’intorwa hapfamw’ ibihumbi amajana atanu.

2 Ivyo ku Ngoma 25:22

Maz’ Abayuda baneshwa n’Abisirayeli, umuntu wese ahungira i we.

Zaburi 78:9

Abefurayimu naho bāri bafise ibirwanishwa batwaye imiheto, Bākimiranye ku musi w’intambara;

Yeremiya 7:12

Enda ni mugende ha hantu hanje i Shilo, aho natanguye gushira izina ryanje ngo rihabe, mwitegereze ivyo nahagiriye kubg’ ivyaha vy’abantu banje b’Abisirayeli.

Abalewi 26:17

Kandi nzohoza igitsūre canje kuri mwebge, muzoneshwa n’abansi banyu: ababanka ni bo bazobaganza; kandi muzohunga ata kibirukanye.

Gusubira mu Vyagezwe 28:15

Ariko ni mutumvira Uhoraho Imana yanyu, ngo mwitondere ivyagezwe vyiwe vyose n’amabgirizwa yiwe yose mbagera uyu musi, iyi mivumo yose izobazako, ibashikīre.

Gusubira mu Vyagezwe 28:25

Uhoraho azotuma muneshwa n’abansi banyu: muzojana inzira imwe mubateye, mu kubahunga muce mu nzira ndwi; muzoba akūmiza mu bihugu vyose vyo mw isi.

1 Samweli 3:11

Uhoraho abarira Samweli, ati Rāba nzokora ikintu mu Bisirayeli, ūzocumva wese imīnzerere izomuvuga mu matwi.

1 Samweli 4:2

Abafilisitiya batonda urugamba ngo barwanye Abisirayeli: bamaze kurumana, Abisirayeli baneshwa n’ Abafilisitiya, Abafilisitiya babicamw’ abantu nk’ibihumbi bine mur’ urwo rugamba.