1 Samweli 30:12 - Bibliya Yera 1951 1967 (Burundi)

¹² bamuha n’ikimanyu c’irobe ribumbabumbge mu nsukoni, n’udusoko tubiri tw’inzabibu zumye; ariye, aca arahēmbūka, kuko yar’ amaze imisi itatu n’amajoro atatu ata co arya, ata co anywa.

1 Samweli 30:12 ပူးပေါင်းရင်းမြစ်များ

Esiteri 4:16

ati Genda ukoranirize hamwe Abayuda bose bar’ i Shushani, mwisonzeshe kubganje, mumare imisi itatu ku murango no mw ijoro mutagira ico murya canke munywa; nanje twe n’incoreke zanje tuzokwisonzesha durtyo nyene, mpeze mbone gushika ah’ umwami ari, nah’ ar’ uguca mu cagezwe: kandi namba ndamukiwe no gupfa, mpfe!

GUCURA INTIMBA 1:11

Abantu baho bose baraniha, bayerera utwo kurya; Ibintu vyabo vyābahimbara bābitanze ku two kurya ngo basame amagara yabo: Uhoraho we, rāba witegereze: nahindutse ikigawa.

Yona 1:17

Uhoraho agera urufi runini ngo rumire Yona. Maze Yona amara mu nda y’urufi imisi itatu n’amajoro atatu.

Matayo 27:63

baramubgira, bati Mugenzi, twibutse yuko wa muhumvyi akiriho yagize ngw imisi itatu ishize azozuka.

Abacamanza 15:19

Maz’ ikinogo car’ i Lehi Imana iragisatura, amazi aradudubiza; nukw amaze kunywa, udutege turagaruka, arahēmbūka. Ni co catumye bacita Eni‐hakore: kiracar’ i Lehi na bugingo n’ubu.

1 Samweli 14:27

Ariko Yonatani we, igihe se yarahiza abantu, ntiyumva, ni kwo gutuma inkoni yitwaje, akayikoza ku mutsāma w’ ubūki, agashira mu kanwa, akajisho kakagaruka.

1 Samweli 30:11

Hanyuma baseruka ku Munyegiputa mu gahinga, bamuzanira Dawidi; bamutamika agatsima, bamuramiza n’utuzi,

1 Samweli 30:13

Dawidi aramubaza, at’ Ur’ umuntu wa nde? Kand’ ur’ uwa hehe? Na we aramwishura, ati Nd’ umuhungu wo muri Egiputa, umugurano w’ Umwamaleki; kandi hashize imisi itatu databuja antaye, kuko nari ndwaye.