1 Samweli 3:4 - Bibliya Yera 1951 1967 (Burundi)

⁴ Uhoraho ahamagara Samweli; na we ati Sabge!

1 Samweli 3:4 ပူးပေါင်းရင်းမြစ်များ

Itanguriro 22:1

Hanyuma y’ivyo, Imana igeza Aburahamu; iramuhamagara, iti Aburahamu! Aritaba, ati Sabge.

Itanguriro 22:11

Maz’ umumarayika w’Uhoraho amuhamagara ari mw ijuru, at’ Ewe Aburahamu, Aburahamu! Aritaba, ati Sabge.

Zaburi 99:6

Mose na Aroni bo mu baherezi biwe, Na Samweli wo mu bambaza izina ryiwe, Bārambaza Uhoraho, akabishura.

Kuvayo 3:4

Uhoraho abonye yukw akīkamishwa no kubirāba, Imana imuhamagara iri hagati mur’ ico gisaka, iti Mose, Mose! Aritaba, ati Sabge!

Yesaya 6:8

Numva ijwi ry’Umwami Imana rivuga, riti Ndatuma nde, ni nde yotugīra? Maze ndavuga, nti Ndi hano, ba ari jewe utuma.

Ivyakozwe 9:4

Yikubita hasi, yumva ijwi rimubaza, riti Sauli, Sauli, umpīgira iki?

1 Korinto 12:28

Kand’ Imana yabanje gushira mw ishengero bamwe kuba intumwa, maz’ aba kabiri ibashiraho kuba abavugishwa na yo, maz’ aba gatatu, ibashiraho kuba abigisha, maz’ ishirah’ abakora ibitangaza, maz’ ishirah’ abāhawe ingabire zo gukiza indwara, n’abāhawe gufasha abandi, n’abāhawe kurōngōra, n’abāhawe kuvuga indimi nyinshi.

1 Samweli 3:5

Araheza arirukanga, aja iyo Eli ari, aramubarira, ati Ndaje nditavye. Eli at’ Eka singuhamagaye: subira kuryama. Nukw aragenda araryama.