1 Samweli 28:23 - Bibliya Yera 1951 1967 (Burundi)

²³ Aranka, at’ Eka singomba kurya. Arikw abantu biwe bo na nya mupfumukazi baramugōbēra, arabemerera, ava hasi, yicara ku buriri.

1 Samweli 28:23 ပူးပေါင်းရင်းမြစ်များ

1 Abami 21:4

Nuko Ahabu arataha ashavuye yijiriwe, kubg’ iryo jambo Naboti w’i Yezireli yamubariye: kuko yamubariye, ati Sinoguha ishamvu ya ba sogokuruza. Nukw aragenda yiryamira ku kirwa, aroresha amaso hirya mu rusika, yanka gufūngura.

2 Abami 4:8

Umusi ur’ izina, Elisa aja i Shunemu. Kandi hāriy’ umugore w’umutunzikazi; aramugōbēra ngw amuzimane. Maz’ uhereye ico gihe, iy’ aciye aho, yama ajayo bakamuzimana.

2 Abami 5:13

Abantu biwe baramwēgēra, baramubarira, bati Mbega mutungwa, iyaba uyo muvugishwa n’Imana akurangiye ikintu kigoye, ntiwari kugikora? Nkanswe kukubarira, ngw Iyuhagire uhumanuke?

Esiteri 1:6

Hāri hakinze impuzu zera n’izisa n’akatsi gatoto n’iz’ amasufe, zimanikishijwe imigozi y’ibitambara vyera vyiza n’iy’ inyambarabami, ifashwe n’impeta z’ifeza ku nkingi z’amabuye yitwa marimari; hāri n’imisegamuro yakozwe mw izahabu n’ifeza, iteretse ku musezero wa marimari nyene y’amabara y’ agahama n’ayera n’ay’ umuhondo n’ayirabura.

Imigani 25:20

Kuvugiriza impundu umuntu atuntuye mu mutima Ni nk’umuntu kwiyambura impuzu mu gihe c’imbeho, n’inkarisha isutswe ku munyu witwa amagadi.

EZEKIYELI 23:41

mwicara ku musegamuro mutimbitse, har’ ameza agemetse imbere yawo, muyaterekakw imibavu yanje n’amavuta yanje ya elayo.

Luka 14:23

Shebuja abarira uno mushumba wiwe, ati Genda uje mu nzira z’iroro no mu mihōra, ubagōbēre baze, kugira ngw inzu yanje yuzure.

Luka 24:29

Baramugōbēra, bati Gumana natwe, kuko bugira bgire kand’ umusi ukuze cane. Arinjira ngw agumane na bo.

Ivyakozwe 16:15

Amaze kubatizanywa n’abo mu nzu yiwe, aratwinginga, at’ Asangwa mubonye nd’uwizeye Umwami Yesu, ni muze i wanje, musembereho. Aratugōbēra.

2 Korinto 5:14

Kuk’ urukundo rwa Kristo rutugōbēra, kand’ ico tuzi tudakekeranya n’uk’ umwe yapfiriye bose, nuko rero bose bārapfuye.

1 Samweli 28:22

None rero ndakwinginze, nawe unyumvire, jewe umuja wawe, unyemerere ngire utwo nkuronderera, ufūngure, kugira ng’ usubiremw’ intege ubashe kugenda.