1 Samweli 27:10 - Bibliya Yera 1951 1967 (Burundi)

¹⁰ Akishi ngw amubaze, at’ Uyu musi wateye hehe? Dawidi akamwishura, ati Nateye i bumanuko mu Buyuda; cank’ ati Nateye i bumanuko mu ba Yerameyeli; cank’ ati Nateye i bumanuko mu Banyakeni.

1 Samweli 27:10 ပူးပေါင်းရင်းမြစ်များ

Itanguriro 27:24

Aramubaza, ati Mbeg’ uri Esau umwana wanje koko? Aramwishura, ati Ndi we.

2 Samweli 17:20

Maz’ abantu ba Abusalomu bashikīra nya mugore mu rugo, baramubaza, bati Ahimasi na Yonatani bari hehe? Nya mugore arabishura, ati Bafashe hakurya. Nuko babarondeye, barababura, basubira i Yerusalemu.

1 Ivyo ku Ngoma 2:25

Bene Yerameyeli imfura ya Hesironi n’aba: uw’ imfura ni Ramu, agakurikirwa na Buna na Oreni na Osemu na Ahiya.

1 Ivyo ku Ngoma 2:9

Kand’ abana Hesironi yavyaye ni Yerameyeli na Ramu na Kelubayi.

Zaburi 119:163

Nanka ibinyoma, mvyanka urunuka: Arikw ivyagezwe vyawe ndabikunda.

Zaburi 119:29

Inzira y’ibinyoma n’ibe kure yanje: Umpere ubuntu ivyagezwe vyawe.

Imigani 29:25

Gutinya abantu n’ukwitega umutego, Arik’ uwizigira Uhoraho azoba amahoro.

Guharūra 24:21

Maz’ atuma amaso Abanyakeni, yongera kuvugishwa, at’ Aho mwībēra harakomeye: Icāri canyu kiri hejuru ku gitandara!

Abanyefeso 4:25

Maze mwiyambuye ibinyoma, umuntu wese avugane ivy’ ukuri na mugenzi we, kuko tur’ ingingo za bagenzi bacu.

Abacamanza 1:16

Maz’ abo mu ruvyaro rwa wa Munyakeni, muramu wa Mose, badūgana n’Abayuda bavuye mu gisagara co mu bigazi, baja mu bugaragwa bg’i Buyuda, ahahera i bumanuko bg’i Arada, babanayo na bene ho.

Abacamanza 4:11

Heberi w’Umunyakeni yari yaritandukanije n’Abanyakeni bandi, ari bo buzukuruza ba Hobabu muramu wa Mose, yar’ ashinze ihema ryiwe musi y’igiti c’umweloni i Sananimu, hafi y’i Kedeshi.

Abacamanza 5:24

Yayeli aragahezagirwa kurusha abandi bagore, Muka Heberi Umunyakeni Aragahezagirwa kurusha abandi bagore baba mu mahema!

1 Samweli 15:6

Ariko Sauli abarira Abanyakeni, ati Hogi ni mugende, muve mu Bamaleki, noye kubarandurana na bo, kuko mwagiriye Abisirayeli bose neza, igihe bādūga bava muri Egiputa. Nukw Abanyakeni bava mu Bamaleki.

1 Samweli 21:2

Dawidi yishura Ahimeleki umuherezi, at’ Umwami yantumye ku rubanza, arambarira ngo ntihagire umuntu n’umwe amenya ivy’ urwo rubanza yantumyeko, cank’ ico yangeze. Kand’ imikangara yanje nayirangiye ko tuzohūrira ahanaka.

1 Samweli 23:27

haza intabaza kuri Sauli, iramubarira, iti Ngwino tebuka, kukw Abafilisitiya bateye igihugu.

1 Samweli 27:11

Ariko Dawidi ntiyagira umugabo cank’ umugore asiga atishe, kugira ngo ntabajane i Gati, ati Boye kuturega, ngo Dawidi yakoze artya n’ artya. Uko ni ko yahora agenza igihe cose yamaze aba mu gihugu c’Abafilisitiya.

1 Samweli 29:8

Dawidi abaza Akishi, ati None se nakoze iki? Uhereye igihe natanguriye kuba umusavyi wawe ukageza n’ubu, wambonyekw iki combuza kugenda gutera abansi bawe ga mwami wanje nyen’ ingoma?

1 Samweli 30:29

n’ab’i Rakala, n’abo mu bisagara vya ba Yerameyeli, n’abo mu bisagara vy’Abanyakeni;