1 Samweli 26:8 - Bibliya Yera 1951 1967 (Burundi)

⁸ Maze Abishayi abarira Dawidi, at’ Uyu musi Imana igabuye umwansi wawe mu maboko yawe; none rero reka ndamuzibure icumu rimwe gusa, rishinge hasi, sinsubīra ubga kabiri.

1 Samweli 26:8 ပူးပေါင်းရင်းမြစ်များ

2 Samweli 16:9

Maze Abishayi umwana wa Seruwiya abaza umwami, at’ Ariko n’iki gituma tureka uwo muvyimba w’imbga akagenda aragutuka ga mwami wanje nyen’ ingoma? Hinge njabuke ndamuce izosi.

Zaburi 31:8

Kandi ntiwantanze mu maboko y’umwansi; Washize ibirenge vyanje ahantu hāgutse.

Yeremiya 40:15

Maze Yohanani mwene Kareya abaririra Gedaliya mu mpisho i Mizipa, ati Ndekura ndakwinginze, nje kwica Ishimayeli mwene Netaniya; nta muntu azobimenya: mbega yokwicira iki, Abayuda bose batororokaniye kuri wewe bagasubira gusanzara, amasigarira y’i Buyuda agahona?

Nahumu 1:9

Ivyo muja imigabo k’Uhoraho n’ibiki? Azobageseza rwose: ubgo buyobe ntibuzorinda guhaguruka ubugira kabiri.

Abaroma 11:32

Kukw Imana yugaraniye abantu bose mu mugararizo, kugira ngw ibagirire imbabazi bose.

Gusubira mu Vyagezwe 32:30

Umwe yoshoboye ate gukinagiza igihumbi, Na babiri kwirukana ibihumbi cumi, Iyo ca Gitandara cabo atabagura, Iy’ Uhoraho atabagabura?

Yosuwa 21:44

Uhoraho abaha impore impande zose, nk’uko yarahiye ba sekuruza muri vyose; nta muntu n’umwe mu bansi babo yigeze kubahagarara imbere, arik’ Uhoraho yagenda agabura abansi babo bose mu maboko yabo.

Abacamanza 1:4

Nukw Abayuda badūga gutera, maz’ Uhoraho agabura Abanyakanani n’Abaferizi mu maboko yabo, i Bezeki bahatsinda ibihumbi cumi mu ngabo zabo.

1 Samweli 23:14

Nuko Dawidi aba mu masenga yo mu bugaragwa, aguma mu mugamba wo mu bugaragwa bg’i Zifu. Sauli akāma amurondera uko bukeye, arikw Imana ntiyamugabura mu maboko yiwe.

1 Samweli 24:4

Maz’ izo ngabo za Dawidi ziramubarira, zit’ Uyu ni wa musi Uhoraho yakubgira kw azogabura umwansi wawe mu maboko yawe, ng’ uz’ umugire uk’ ugomba. Dawidi ava hasi, acacura umutwe w’impuzu ya Sauli buhoro‐buhoro.

1 Samweli 24:5

Hanyuma Dawidi yumva umutima umuseka, kukw acacuye umutwe w’impuzu ya Sauli.

1 Samweli 26:23

Uhoraho azokwishura umuntu wese ukugororoka kwiwe n’ukuyoboka kwiwe; ereg’ uyu musi Uhoraho yari yakumpaye, ndaheza nanka kubangura ukuboko ku wimikishijwe amavuta n’Uhoraho.

1 Samweli 26:7

Nuko Dawidi na Abishayi bahenga mw ijoro baragenda, bashika mur’ izo ngabo, basanga Sauli yībīkiriye hagati y’aho bārāza imikogote y’intambara, icumu ryiwe rishinze haruguru y’umutwe wiwe, Abuneri n’ingabo baryamye bamukikije.

1 Samweli 26:9

Ariko Dawidi yishura Abishayi, ati Ntumwice: har’ uwoshobora kubangurira ukuboko uwo Uhoraho yimikishije amavuta, ntābizire?