1 Samweli 26:16 - Bibliya Yera 1951 1967 (Burundi)

¹⁶ Eka ivyo wakoze si vyiza! Mbarahiye uguhoraho kw’Uhoraho, mwari mukwiye gupfa, kuko mutāteramiye shobuja, uwo Uhoraho yimikishije amavuta! Noneho ni musuzume icumu ry’ umwami n’umukuza w’amazi vyari haruguru y’umutwe w’umwami kw ari ho bikiri.

1 Samweli 26:16 ပူးပေါင်းရင်းမြစ်များ

2 Samweli 12:5

Maz’ uburake bga Dawidi buca buziriringira uwo muntu; abarira Natani, ati Ndahiye uguhoraho kw’Uhoraho, uwakoze ivyo yar’ akwiye gupfa;

2 Samweli 19:28

kukw abo mu rugo rwa data twese imbere yawe twār’ abo gupfa gusa; uraheza jewe umusavyi wawe unshira mu barīra ku meza yawe. None har’ ikindi novuga ngo ngutakambire ga mugenzi?

1 Abami 2:26

Maz’ umwami abarira Abiyatari umuherezi, ati Hoji genda, subira i Anatoti mw ishamvu yawe; war’ ukwiye gupfa, arik’ ubu sinkwica, kuko wagenda ureruye isandugu y’Uhoraho Imana imbere ya data Dawidi, kandi kuko wababarana na we mu vyamubabaje vyose.

Zaburi 102:20

Kugira ngo yumve ukuniha kw’imbohe, Abohore abāgerewe gupfa;

Zaburi 79:11

Kuniha kw’imbohe ni gushike imbere yawe; Nk’ukw inkomezi z’ukuboko kwawe ziri, kiza abagerewe gupfa.

Abanyefeso 2:3

Kandi natwe twese twahora muri bo kera mu kwifuza kw’ imibiri yacu, tugakora ivy’ imibiri n’imitima vyacu bigomba, kandi mu kameremere kacu twar’ abo kurakirwa, nk’abandi bose.

1 Samweli 20:31

Erega mwene Isayi agihumeka, nta guhangama kwawe, nta n’ugutsindaza kw’ingoma yawe. Nuko tuma bamunzanire; n’ukuri azopfa nta kabuza!

1 Samweli 24:6

Maz’ abarira ingabo ziwe, at’ Uhoraho arakabishira kure yanje, sinkagire ikintu nk’ico ngirira umwami wanje, kand’ ari we Uhoraho yimikishije amavuta! Sinkamukozek’ ukuboko, kuko yimikishijwe amavuta n’Uhoraho.

1 Samweli 26:11

Uhoraho arakabishira kure yanje, ko nobangurira ukuboko uwo Uhoraho yimikishije amavuta; ariko ni wābīre iryo cumu riri ku mutwe wiwe, n’uwo mukuza w’amazi, uze tugende.

1 Samweli 26:15

Dawidi abarira Abuneri, ati Mbega ntur’ umuntu w’umugabo? Har’ ūhwanye nawe mu Bisirayeli? None se k’utāteramiye umwami shobuja? Hari haje umuntu aho muri, aje kwica umwami, kand’ ari we shobuja.

1 Samweli 26:9

Ariko Dawidi yishura Abishayi, ati Ntumwice: har’ uwoshobora kubangurira ukuboko uwo Uhoraho yimikishije amavuta, ntābizire?