1 Samweli 26:10 - Bibliya Yera 1951 1967 (Burundi)

¹⁰ Arongera aravuga, ati Ndahiye uguhoraho kw’Uhoraho, Uhoraho ubgiwe ni we azomwiyicira; cank’ umusi wiwe wo gupfa uzoshika; cank’ azomanuka aje mu ntambara, ayigwemwo.

1 Samweli 26:10 ပူးပေါင်းရင်းမြစ်များ

Itanguriro 47:29

Nukw igihe co gupfa kwa Isirayeli kiri hafi, ahamagaza umwana wiwe Yosefu, aramubarira, ati Ni waba uzongirira neza, ndakwinginze, n’ushire ukuboko kwawe musi y’ikibero canje, wemere kunyobokera, no kumbera umwizigirwa. Ndakwinginze, ntuz’ umpambe muri Egiputa:

Yobu 14:14

Umuntu ni yapfa, mbeg’ azosubira kubaho? Nokwihanganiye imisi y’intambara yanje yose, Nkarorēra igihe canje co kurekurwa.

Yobu 14:5

Imisi yiwe ko yashinzwe, igitigiri c’amezi yiwe kikaba gifiswe nawe, Ukaba waramushingiye akarimbi adashobora kurēngāna;

Yobu 7:1

Mbeg’ umuntu akiri mw isi ntaba ari mu ntambara? N’imisi yiwe si nk’iy’ umucangero?

Zaburi 37:10

Kuko hasigaye igihe gito, umunyakibi ntabeho; Mbere, uzokwitegereza ahiwe, umubure.

Zaburi 37:13

Umwami Imana azomutwenga, Kukw abona yuk’ umusi wiwe urik’ urashika.

Zaburi 94:23

Kand’ izobagarukanak’ ukugabitanya kwabo, Izobarandura kubg’ icaha cabo, Uhoraho Imana yacu azobarandura.

Umusiguzi 3:2

har’ igihe co kuvuka n’igihe co gupfa; igihe co gutera n’igihe co kurandura ivyatewe;

Luka 18:7

None mbeg’ Imana ntizocira abo yatoranije urubanza rubakiza, bayiborogera ku murango no mw ijoro, nah’ ibatevya?

Abaroma 12:19

Abo nkunda, ntimwīhōrane, ariko muhe uburyo uburake bg’Imana: kuko handitswe, ng’ Uguhōra n’ukwanje, ni jewe nzobasubiriza mu nkōko, ni k’Uhoraho agize.

Gusubira mu Vyagezwe 31:14

Uhoraho abarira Mose, ati Rāba, igihe cawe co gupfa kiri hafi: enda hamagara Yosuwa, murenguke mw ihema ry’ibonaniro, kugira ngo ndamushikirize igikorwa. Nuko Mose na Yosuwa baragenda, bararenguka mw ihema ry’ibonaniro.

Gusubira mu Vyagezwe 32:35

Uguhōra n’ukwanje, nzobasubiriza mu nkōko Igihe ibirenge vyabo bizonyerera. Kuk’ umusi w’ivyago vyabo uri hafi, Kand’ ibigira bibazeko bizotebuka.

Abaheburayo 10:30

Kuko tuzi uwavuze, at’ Uguhōra n’ukwanje, ni jewe nzobasubiriza mu nkōko. Kand’ at’ Uhoraho azocira urubanza abantu biwe.

Abaheburayo 9:27

Kandi nk’ukw abantu bābīkiwe gupfa rimwe, hanyuma yaho hakaza amateka,

Ivyahishuwe 18:8

ni co gituma ivyago vyiwe vyose bizoza ku musi umwe, urupfu n’amaborogo n’amapfa, kand’ azotongozwa umuriro: kuk’ Umwami Imana amuciriyekw iteka ar’ uw’ ubushobozi.

1 Samweli 24:12

Uhoraho n’aducire urubanza twe nawe, Uhoraho n’abe ari we azokumpōra; arik’ ukuboko kwanje ntikuzogukorako.

1 Samweli 24:15

None rer’ Uhoraho n’abe umucamanza, aducīre urubanza twe nawe, n’avyitegereze, ambūrane, ankūre mu maboko yawe.

1 Samweli 25:26

None rero mugenzi, nk’uk’ Uhoraho yamaho, nawe ukaba uriho, Uhoraho ni we agutesheje ngo ntuvishe amaraso, ntiwīhōre ubgawe; abansi bawe, n’abarondera kukugirira nabi, barakamera nka Nabali, mugenzi!

1 Samweli 25:38

Hahise imisi nk’ icumi, Uhoraho akubita Nabali, arapfa.

1 Samweli 25:39

Bukeye Dawidi yumvise ko Nabali yapfuye, aravuga, at’ Uhoraho ashemagizwe, yambūranye, akankūrakw ibitētērwa Nabali yari yanteye, agatako jewe umusavyi wiwe akambuza gukora icaha; kand’ inabi ya Nabali Uhoraho akayimusubiza ku mutwe. Hanyuma Dawidi atuma kuri Abigayili kumuresha ngw amucūre.

1 Samweli 31:4

Maze Sauli abarira ūmutwaje ibirwanishwa, ati Sokōra inkota, uyinsogote, zirya ntakebga zoye kunshikīra ngo zinsogote, zinshinyagurire. Arik’ ūmutwaje ibirwanishwa aranka, kuko yari yagize ubgoba bginshi. Sauli ni kwo gufata iyiwe nkota, ayīsukako.

1 Samweli 31:6

Uko ni ko Sauli yapfuye, n’abahungu biwe batatu, n’uwamutwaza ibirwanishwa, bo n’ingabo ziwe zose, bapfa kur’ uwo musi nyene.