1 Samweli 25:6 - Bibliya Yera 1951 1967 (Burundi)

⁶ mubgire uwo mutungwa, mut’ Amahoro abe kuri wewe no mu rugo rwawe no mu vy’ufise vyose.

1 Samweli 25:6 ပူးပေါင်းရင်းမြစ်များ

Itanguriro 43:23

Arabishura, ati Ni musubize imitima mu nda, mureke gutinya: Imana yanyu, Imana ya so, ivyo n’ivyo yabihēreye mu magunira yanyu: jeho amahera yanyu narayahawe. Asohora Simeyoni, aramubazanira.

2 Samweli 18:28

Maze Ahimasi ashira ijwi hejuru, abarira umwami, ati Vyose vyagenze neza. Araheza akubita inkoro hasi imbere y’umwami, aramubarira, at’ Uhoraho Imana yawe ahimbazwe, yaguhaye abantu bari bakubanguriye amaboko, mwami wanje nyen’ ingoma.

1 Ivyo ku Ngoma 12:18

Maze Mpwemu aca aza kuri Amasayi, umukuru wa ba bandi mirongwitatu, aravuga, ati Tur’ abawe, Dawidi; turi ku ruhande rwawe, wewe mwene Isayi! Amahoro, amahoro abe kuri wewe, abe no ku bagutabara, kukw Imana yawe ari yo igutabara. Nuko Dawidi arabākīra, abagira abagabisha bo kugaba ibitero.

Zaburi 122:7

Amahoro abe imbere mu nzitiro zawe, Itōto ribe mu ngoro zawe.

Zaburi 122:8

Kubga bene Data na bagenzi banje Ndavuga, nt’ Amahoro abe muri wewe.

Luka 10:5

Inzu yose muzokwinjiramwo, muze mubanze muvuge, mut’ Amahoro abe mur’ iyi nzu.

Yohana 14:27

Amahoro ndayabasigaranye, amahoro yanje ndayabagabiye. Jeho simbagabira nk’ukw ab’ isi bagaba. Imitima yanyu ntihagarare, kandi ntitinye.

1 Tesalonike 3:8

Kuko none turiho, asangwa muhagaze mu Mwami.

2 Tesalonike 3:16

Kand’ Umwami Nyen’ amahoro ubgiwe, yame abaha amahoro ibihe vyose uburyo bgose. Umwami abane namwe mwese.

1 Timoteyo 5:6

Ariko, uwihaye ukwifuza aba apfuye ahagaze.

1 Samweli 25:5

Nuko Dawidi atuma abahungu b’imisore cumi, ati Ni mudūge muje i Karumeli, muje kwa Nabali, mumundamukirize;