1 Samweli 25:39 - Bibliya Yera 1951 1967 (Burundi)

³⁹ Bukeye Dawidi yumvise ko Nabali yapfuye, aravuga, at’ Uhoraho ashemagizwe, yambūranye, akankūrakw ibitētērwa Nabali yari yanteye, agatako jewe umusavyi wiwe akambuza gukora icaha; kand’ inabi ya Nabali Uhoraho akayimusubiza ku mutwe. Hanyuma Dawidi atuma kuri Abigayili kumuresha ngw amucūre.

1 Samweli 25:39 ပူးပေါင်းရင်းမြစ်များ

Imigani 22:23

Kuk’ Uhoraho azobabūranira, Abābanyaze azobanyaga ubugingo.

1 Samweli 25:34

Ndahiye uguhoraho kw’Uhoraho Imana y’ Abisirayeli, yambujije kukugirira nabi, nta kabuza bgari guca hadasigaye izinamuhungu n’umwe mu bo kwa Nabali, iy’ utanyaruka kunsanganira.

1 Samweli 25:26

None rero mugenzi, nk’uk’ Uhoraho yamaho, nawe ukaba uriho, Uhoraho ni we agutesheje ngo ntuvishe amaraso, ntiwīhōre ubgawe; abansi bawe, n’abarondera kukugirira nabi, barakamera nka Nabali, mugenzi!

Zaburi 7:16

Kugira nabi kwiwe kuzomugaruka ku mutwe, Umuryano wiwe uzogwa mu gahanga kiwe.

1 Abami 2:44

Umwami atakw abarira Shimeyi, at’ Urazi mu mutima wawe ibibi vyose wakoreye data Dawidi, ni co gituma ivyo bibi vyawe Uhoraho agira abigusubize ku mutwe.

1 Samweli 25:32

Maze Dawidi yishura Abigayili, at’ Uhoraho Imana y’Abisirayeli ashemagizwe, yakurungitse uyu musi kunsanganira;

1 Samweli 24:15

None rer’ Uhoraho n’abe umucamanza, aducīre urubanza twe nawe, n’avyitegereze, ambūrane, ankūre mu maboko yawe.

2 Timoteyo 4:18

Umwami wacu azonkiza ibibi vyose bangirira, azondokora kugira ngw anjane mu bgami bgiwe bgo mw ijuru. Icubahiro kibe iciwe, ibihe bitazoshira. Amen.

1 Tesalonike 5:23

Kand’ Imana Nyen’ amahoro ibe ari yo ibeza rwose: kand’ impwemu yanyu n’ubugingo n’umubiri vyose hamwe bizigamwe, ngo bize bisangwe bitagira umugayo, ah’ Umwami wacu Yesu Kristo azozira.

Mika 7:9

Nzokwihanganira ubushangashirwe bg’Uhoraho, kuko namugararije, gushitsa ah’ azombūranira, akantsindira. Azonsohokana anshikane mu muco, nanje nzokwitegereza ukugororoka kwiwe.

Indirimbo ya Salomo 8:8

Dufise murumuna wacu mutoya, Atarasonga amabere. None tuzogira dute murumuna wacu Igihe azosabirwa?

Imigani 31:30

Akazuru gusa karahendana, n’ubgiza bgo ku rukoba nta co bumaze, Arik’ umugore yubaha Uhoraho ni we ashimwa.

Imigani 31:10

Umugore aroranye ni nde yomuronka? Kukw ar’ uw’ igiciro kurusha utubuyenge twitwa marijani.

Imigani 19:14

Urugo bo n’itunga umuntu abiragwa n’abavyeyi, Arik’ umugore aciye ubgenge amuhabga n’Uhoraho.

Imigani 18:22

Ūronse umugore aba aronse ikintu ciza, Kand’ aba aronse ingabire k’ Uhoraho.

Esiteri 7:10

Nuko Hamani bamumanika kur’ ico giti nyene yari yiteguriye Moridekayi. Maz’ uburake bg’umwami burahwama.

Abacamanza 5:2

bati Ni muhimbaze Uhoraho, Kuko habonetse imena zo kurōngōra Abisirayeli, Abantu bagaheba amagara yabo babikunze.

2 Korinto 13:7

Kandi turasaba Imana ngo ntimugire ikibi mukora, s’ukugira ngo tuboneke ko tur’ abemewe, ariko n’ukugira ngo mukore iciza, natwe tuboneke nk’abahinyuwe.

1 Samweli 25:40

Abantu ba Dawidi bashitse i Karumeli kwa Abigayili, baramubarira, bati Dawidi akudutumyeko ngw agucūre ube umugore wiwe.

1 Samweli 26:10

Arongera aravuga, ati Ndahiye uguhoraho kw’Uhoraho, Uhoraho ubgiwe ni we azomwiyicira; cank’ umusi wiwe wo gupfa uzoshika; cank’ azomanuka aje mu ntambara, ayigwemwo.

2 Samweli 1:16

Dawidi aramubarira, at’ Amaraso yawe abe ari wewe aja ku mutwe, kukw akanwa kawe ari ko kakubereye icagirizi, nk’uko wivugiye ko wishe uwo Uhoraho yimikishije amavuta.

Esiteri 9:25

ariko bishitse ku mwami, umwami arungika ivyete bivuga yukw iyo migabo mibi Hamani yari yagabiye ku Bayuda imugaruka ku mutwe, kandi yuk’ ubgiwe n’abahungu biwe bamanikwa ku biti.

Zaburi 9:5

Wakankamiye abanyamahanga, wahoneje ababi, Wasibanganije amazina yabo gushitsa ibihe bitazoshira.