1 Samweli 25:3 - Bibliya Yera 1951 1967 (Burundi)

³ Uwo muntu yitwa Nabali, umugore wiwe yitwa Abigayili; uwo mugore yar’ umunyabgenge, kandi yar’ umunyakaranga, arik’ umugabo wiwe yar’ umuntu w’ikigoryi kandi w’imico mibi; yar’ uwo mu muryango wa Kalebu.

1 Samweli 25:3 ပူးပေါင်းရင်းမြစ်များ

Itanguriro 12:11

Ari hafi gushika muri Egiputa, abarira Sarayi umugore wiwe, at’ Umve ndazi k’ur’ umugore w’igikundiro:

Zaburi 10:3

Kuk’ umunyakibi yishimagiriza ivyo umutima wiwe wifuza, Kand’ umunyegono yikunkumura Uhoraho, kand’ akamukēngēra.

Imigani 14:1

Umugore wese w’ubgenge yubaka urugo rwiwe, Arik’ uw’ igipfu arusambuza amaboko yiwe ubgiwe.

Imigani 19:14

Urugo bo n’itunga umuntu abiragwa n’abavyeyi, Arik’ umugore aciye ubgenge amuhabga n’Uhoraho.

Imigani 30:22

Ni vyo ibi: umushumba iy’ abaye umwami, N’igipfu iyo gihimvye ivyo kurya,

Imigani 31:10

Umugore aroranye ni nde yomuronka? Kukw ar’ uw’ igiciro kurusha utubuyenge twitwa marijani.

Imigani 31:26

Iy’ ateranuye akanwa avuga ivy’ ubgenge, Icagezwe c’ineza kiri ku rurimi rwiwe.

Yosuwa 15:13

Nuko Kalebu mwene Yefune Yosuwa amuha ishamvu mu muryango wa Yuda, nk’uk’ Uhoraho yamubariye; amuha Igisagara ca Araba, ari ho Heburoni; (Araba uwo ni we se wa Anaki).

1 Samweli 25:17

None rer’ ubimenye, wiyumvire ico wokora, kuko hagiye kuba ivyago kuri databuja no ku rugo rwiwe rwose, kand’ ar’ umuntu w’umugesera, ata woshobora kugira ico amubgira.

1 Samweli 25:25

Ndakwinginze, mwami wanje, woye kwiyumvira kur’ uwo muntu w’umugesera Nabali. Izina ni ryo muntu: Nabali ni ko yitwa, kand’ ubujuju ni ko kameremere kiwe. Ariko jewe umuja wawe sinigeze mbona imikangara yawe watumye, mwami wanje.

1 Samweli 25:4

Maze Dawidi ari mu bugaragwa yumva ko Nabali arikw arakemuza intama ziwe.

1 Samweli 30:14

Twari twateye i bumanuko mu Bakeriti, dutera n’i Buyuda, n’i bumanuko mu bga Kalebu, duturira n’i Sikulagi.