1 Samweli 25:29 - Bibliya Yera 1951 1967 (Burundi)

²⁹ Kandi nah’ abantu bagukūriye hasi ngo baguhīge, bakwice, ubugingo bgawe buzokwama butēkeye mu mutēkero w’abariho ufiswe n’ Uhoraho Imana yawe, mugenzi: kand’ ubugingo bg’abansi bawe azobushibura nk’ibuye ritewe n’ umugozi.

1 Samweli 25:29 ပူးပေါင်းရင်းမြစ်များ

Itanguriro 15:1

Hanyuma y’ivyo, ijambo ry’ Uhoraho riza kuri Aburamu nko mu nzozi, riti Aburamu, nta co utinya: ni jewe nkinzo yawe, uzohabga impēra ikomeye cane.

2 Samweli 4:8

Maz’ uwo mutwe wa Ishibosheti bawushīra umwami Dawidi i Heburoni, baramubarira, bati Nguyu umutwe wa Ishibosheti umwana w’ umwansi wawe Sauli, yahora aguhīga; Uhoraho ashubirije Sauli mu nkōko, n’abana biwe, abaguhōye, mwami wacu nyen’ ingoma.

Yobu 27:22

Mber’ Imana izomurasa ntimuzigurize, Azokwifuza guhunga ngw ave mu maboko yayo.

Zaburi 116:15

Urupfu rw’abakunzi biwe N’urw’ igiciro mu nyonga z’Uhoraho.

Zaburi 54:3

Kukw abanyamahanga bāmpagurukiye, N’abantu b’ibirara barondeye ubugingo bganje, Batāshize Imana imbere yabo. Sela.

Zaburi 66:9

Izigama ubugingo bgacu ntibupfe, Kandi ntikundira ibirenge vyacu ko bitirimuka.

Yeremiya 10:18

Kuk’ ukw ari k’Uhoraho agize, at’ Eh’ ababa mu gihugu iki gihe nzobashiburira kure, nzobababaza kugira ngo bibonereko.

Malaki 3:17

Uku ni k’Uhoraho Nyen’ ingabo agize, ati Bazoba abanje ku musi nzoshinga, babe abo niharije ubganje; kandi nzobagirira ikigongwe, nk’uk’ umuntu akigirira umwana wiwe amukorera.

Yohana 14:19

Hasigaye igihe gito, ab’ isi ntibabe bakimbona, ariko mweho muzombona; kuko ndiho, namwe muzobaho.

Yohana 17:21

kugira ngo bose babe umwe, nk’uko wewe, Data, uri muri jewe, nanje nkaba muri wewe, ngo na bo abe ari ko baba muri twebge, ngw isi yizere kw ari wewe wantumye.

Yohana 17:23

Jewe mbe muri bo, nawe ube muri jewe, ngo bahīngūrwe babe umwe, kugira ngw isi imenye kw ari wewe wantumye, ukabakunda, nk’uko wankunze.

Gusubira mu Vyagezwe 33:29

Yemwe Bisirayeli, murahiriwe! N’ihanga ki rihwanye namwe kuba ihanga ryarokowe n’Uhoraho, Ari we nkinzo ibakingira, ikabakiza, Ari we nkota ibubahiriza? Abansi banyu bazoza babakomere ibōbo, Namwe muzosiribanga ibitabo vyabo batavye ku mpinga z’imisozi.

1 Petero 1:5

mwebge abazigamwa n’ubushobozi bg’Imana kubg’ ukwizera, muzigamirwa agakiza kāteguwe kuzohishurwa mu gihe c’iherezo.

1 Samweli 2:9

Azozigama ibirenge vy’abagororotsi biwe, Arikw abanyavyaha bazohonera mu muzimagiza, Kukw inkomezi z’umuntu atari zo zimuha kunesha.