1 Samweli 25:27 - Bibliya Yera 1951 1967 (Burundi)

²⁷ None rero mwami wanje, nyakīrira iri shikanwa ngushikaniye, jewe umuja wawe, urigaburire imikangara yawe ikugendanira, mugenzi.

1 Samweli 25:27 ပူးပေါင်းရင်းမြစ်များ

Itanguriro 33:11

Nuko ndakwinginze, akīra iyo ngabire nkurungikiye; kukw Imana yangiriye ubuntu, kandi mfise ibimpāgije. Aramugōbēra, aravyākīra.

2 Samweli 16:2

Umwami abaza Ziba, at’ Ibi n’ivy’ iki? Ziba aramwishura, at’ Indogoba n’izo kugira ngw abo mu rugo rwawe bazigendereko, mugenzi; imitsima n’ amatunda na vyo n’induhuro y’ imikangara, vino na yo n’iyo guhēmbūra abazogwira isari mu bugaragwa.

2 Abami 5:15

Hanyuma agarukana n’abantu biwe bose kur’ uwo muntu w’ Imana, araza ahagarara imbere yiwe, aramubarira, ati Noneho ndamenye kw ata yindi Mana iriho mw isi yose, atari mu Bisirayeli; enda rero ni wābīre ingemu nguhaye jewe umusavyi wawe.

Imigani 18:16

Ishikanwa ry’umuntu rimuronkera akayira, Rimushitsa imbere y’abahambaye.

2 Korinto 9:5

Ni co gitumye niyumviriye yuko nkwiye kwinginga abo bene Data kunyitangira imbere mu kuza i wanyu, ngo babanze gutunganya ivy’ ubuntu mwasezeranye kera, bibe vyiteguwe nk’ivy’ ubuntu, ata kinubge.

Abacamanza 4:10

Bukeye Baraki ahamagaza Abazebuloni n’Abanafutali ngo bakoranire i Kedeshi; nukw ingabo ibihumbi cumi ziradūga zimukōndōreye inyuma, na Debora na we barajana.

1 Samweli 25:42

Nuko Abigayili agira n’ingoga arahaguruka, aja ku ndogoba, ari kumwe n’abigeme batanu bamucorekeye; akurikira izo ntumwa za Dawidi, aba umugore wiwe.

1 Samweli 30:26

Maze Dawidi ashitse i Sikulagi, arungikira abakunzi biwe b’ abashingantahe b’i Buyuda ku minyago, ati Ngivyo ivyo mbagabiye bivuye ku minyago y’abansi b’ Uhoraho.