1 Samweli 25:13 - Bibliya Yera 1951 1967 (Burundi)

¹³ Nuko Dawidi abarira abantu biwe, at’ Umuntu wese n’ahagatire inkota yiwe. Nuk’ umuntu wese ahagatira inkota, na Dawidi na we ahagatira iyiwe; nukw abantu nk’ amajana ane badūgana na Dawidi, abagiye imbere; arikw abandi amajana abiri basigara ku bintu.

1 Samweli 25:13 ပူးပေါင်းရင်းမြစ်များ

2 Samweli 15:18

Nukw abantu biwe bose bamuca imbere; kand’ Abakereti n’Abapeleti bose, n’Abanyegati bose ukw ar’ amajana atandatu bāri bavuye i Gati bamukurikiye, na bo baca imbere yiwe.

Imigani 14:29

Ūteba kuraka aba ar’ umunyabgenge bginshi, Arikw ikirandamuke cīhaya ubupfu.

Imigani 16:32

Ūteba kuraka aruta umunyenkomezi, Kand’ ūganza umutima wiwe aruta ūnesheje igisagara.

Imigani 19:11

Kwitonda kw’umuntu kumutera guteba kuraka, Kand’ icubahiro ciwe n’ukwirengagiza ico yacumuweko.

Imigani 19:2

Ikindi, umutima kutagira ubgenge si vyiza, Kand’ ūgenda yihutagiza ahusha inzira.

Imigani 20:22

Ntukavuge, uti Nzokwihōra ikibi nagiriwe: Ni witege Uhoraho, ni we azogukiza.

Imigani 25:8

Ntukihutire kubūrana, Uburuhiro ntuz’ usange waguye mu rudubi, Mugenzawe amaze kukumāramāza.

Yosuwa 9:14

Maz’ Abisirayeli bemezwa n’ izo mpamba, batarinze kugīsha inama Uhoraho.

1 Samweli 22:2

Kand’ umuntu wese yari mu magorwa, n’ūrin’umwenda, n’ūgendana imyidogo bakoranira kuri we, aba umukuru wabo; nukw abo bantu bāri kumwe na we bāri nk’amajana ane.

1 Samweli 23:13

Nuko Dawidi ahagurukana n’ingabo ziwe, zari nk’ amajana atandatu, bava i Keyila, bagenda bayerēra hirya no hino. Hanyuma babarira Sauli ko Dawidi yahunze akava i Keyila; aca asigaho ntiyaja gutera.

1 Samweli 25:12

Nukw iyo mikangara ya Dawidi barahindukira, basubirayo; bashitse bamwīgānira ivyo vyose.

1 Samweli 27:2

Nuko Dawidi arahaguruka, bo na za ngabo amajana atandatu zari kuri we, barajabuka baja kwa Akishi mwene Mayoki, umwami w’i Gati.