1 Samweli 24:9 - Bibliya Yera 1951 1967 (Burundi)

⁹ Nuko Dawidi aramubaza, ati N’iki gituma uja ku vyo abantu bakubarira, ngo Dawidi agomba kukugirira nabi?

1 Samweli 24:9 ပူးပေါင်းရင်းမြစ်များ

Zaburi 101:5

Ūbeshera mugenzi we mu mpisho nzomurandura: Ūgamika, akagira umutima wibona, sinzomwihanganira.

Zaburi 141:6

Abacamanza babo bazotembagarizwa mu manga, Ni ho abantu bazokwumviriza amajambo yanje, kukw aryoshe.

Imigani 16:28

Umuntu w’ikigoryi yandurutsa intonganya, Kand’ ūneguranira mu vyongorerano atandukanya abakundana cane.

Imigani 17:4

Inkozi y’ikibi ishira umutima ku minwa y’ibibi, Kand’ umunyabinyoma atega ugutwi ururimi rw’akazīkira.

Imigani 18:8

Amagambo y’ūneguranira mu vyongorerano ni nk’ivyo kurya biryoshe, Bimanuka bija epfo mu nda.

Imigani 25:23

Umuyaga uva i burārūko uzana imvura; Ni ko n’ururimi rurementanya ruzana kwiraburanirwa mu maso.

Imigani 26:28

Ururimi rubesha rwanka abo rwakomerekeje, Kand’ akanwa gahemana kazana uguhona.

Imigani 29:12

Ūganza, iyo yumvira ibinyoma Abasavyi biwe bose baba ar’ abanyavyaha.

Yeremiya 37:18

Ikindi, Yeremiya abaza umwami Zedekiya, ati Mbega nagucumuyekw iki, cank’ abantu bawe, cank’ ubu bgoko, ko mwanshize mw ibohero?

Abalewi 19:16

Ntihaze hagire ūgendagendeshwa no guteranya abantu, kandi ntihaze hagire uwitangakw icabona c’ ibinyoma co kwicisha mugenzi we: ni jewe Uhoraho.

Yakobo 3:6

Ururimi n’umuriro, n’ikibi kingana n’isi: ururimi rwashizwe mu ngingo zacu, ruhumanya umubiri wose, rudomeka ukubaho kwacu kwose, na rwo ruba rwadometswe na Gehinomu.

1 Samweli 20:1

Nuko Dawidi arahunga, ava i Nayoti i Rama, araza abaza Yonatani, ati Mbega nzira iki? Nacumuye mu ki? Ikibi nagiriye so n’igiki, gituma arondera kunyica?

1 Samweli 20:41

Nuk’ uwo mwana amaze kugenda, Dawidi asokoroka aho yar’ ari i ruhande ya ca gihongo, akubita inkoro hasi, amwunamira gatatu; maze baragūmbīrana, bararira, ariko Dawidi we ararushiriza.

1 Samweli 24:10

Aho ntubonye k’Uhoraho yar’ akugabuye mu maboko yanje uyu musi, mur’ iri senga? Mbere harih’ abāmbgiye kukwica, ariko ndakwirekera, nti Sinokoza ukuboko kuri databuja, nti Kukw ari we Uhoraho yimikishije amavuta.

1 Samweli 24:8

Hanyuma Dawidi na we ava hasi, ava mur’ iryo senga nyene, ahamagara Sauli, at’ Urazirikanye, mugenzi! Sauli akebutse, Dawidi akubita inkoro hasi, aramwūnamira.

1 Samweli 26:18

Ati Mbega mugenzi, umpīgira iki, jewe umusavyi wawe? Nakoze iki? Ndikw igicumuro ki?

1 Samweli 26:19

None rero ndakwinginze, mugenzi, zirikana amajambo yanje jewe umusavyi wawe, mwami; asangw’ ar’ Uhoraho yakungomoreye, ni yemere ndamuhe ikimazi; na ho ni baba ar’ abantu, barakavumwa imbere y’Uhoraho, kuk’ ubu banciye, ngo singire umugabane mw ishamvu y’Uhoraho, bakavuga ngo ni ngende gusaba izindi mana.