1 Samweli 23:4 - Bibliya Yera 1951 1967 (Burundi)

⁴ Nuko Dawidi yongera gusiguza Uhoraho. Uhoraho aramwishura, ati Haguruka umanuke uje i Keyila, kuko nzogabura Abafilisitiya mu maboko yawe.

1 Samweli 23:4 ပူးပေါင်းရင်းမြစ်များ

2 Samweli 2:1

Hanyuma y’ivyo, Dawidi asiguza Uhoraho, ati Mbega ndūge, nimukire mu gisagara kimwe mu vy’i Buyuda? Uhoraho aramwishura, at’ Ego me dūga. Dawidi ati Nje hehe? Aramwishura, ati Ja i Heburoni.

2 Samweli 5:19

Maze Dawidi asiguza Uhoraho, ati Ndūge nje gutera Abafilisitiya? Urabagabura mu maboko yanje? Uhoraho aramwishura, ati Dūga ubatere, kuko ntazobura kugabura abo Bafilisitiya mu maboko yawe.

2 Abami 3:18

Kand’ ivyo s’ikigoye k’Uhoraho; mber’ azogabura n’Abanyamowabu mu maboko yanyu.

1 Ivyo ku Ngoma 14:10

Maze Dawidi asiguza Imana, ati Mbega ndūge nje gutera Abafilisitiya? Urabagabura mu maboko yanje? Uhoraho aramwishura, ati Dūga ubatere, kuko nzobagabura mu maboko yawe.

Yosuwa 8:7

Maze namwe muze muheze muvyuke aho mubunze mu gico, mutere ico gisagara, kuk’ Uhoraho Imana yanyu azoba akigabuye mu maboko yanyu.

Abacamanza 6:39

Gideyoni yongera kubarira Imana, at’ Uburake bgawe ntibunziriringire: ntunga mvuge iri rimwe gusa: ndasavye nsubire ngeragereshe rimwe ubu bgoya; ubu ho ikime kize gitonde hasi hose, arik’ ubgoya abe ari bgo busigara bgūmye gusa.

Abacamanza 7:7

Maz’ Uhoraho abarira Gideyoni, at’ Abo bantu amajana atatu banyoye basabagira ni bo nzobakirisha, ngabure Abamidiyani mu maboko yawe; abandi bose ni bītahire.

Abacamanza 7:9

Ijoro ry’uwo musi Uhoraho aramubarira, ati Va hasi, umanuke aho bashagaje, kuko mbagabuye mu maboko yawe.

1 Samweli 10:22

Nuko bongera gusiguza Uhoraho, bati Mbeg’ uwo muntu yoba ataraza? Uhoraho arabishura, at’ Ereg’ arinyegeje mu bintu vy’intēkera.

1 Samweli 23:2

Nuko Dawidi asiguza Uhoraho, ati Mbega nje kurwanya abo Bafilisitiya? Uhoraho yishura Dawidi, ati Genda ubarwanye, utabare ab’i Keyila.

1 Samweli 23:3

Arikw ingabo za Dawidi ziramubaza, ziti Ko twari dusanzwe dufise ubgoba tukir’ ino i Buyuda, ni twaja i Keyila kurwana n’ingabo z’Abafilisitiya bizocura iki?

1 Samweli 23:5

Nuko Dawidi ahagurukana n’ingabo ziwe, baja i Keyila, barwana n’Abafilisitiya, banyaga inka zabo, babatikiza agatikizo gakomeye. Uko ni ko Dawidi yatabaye ababa i Keyila.

1 Samweli 28:6

Arikw asiguje Uhoraho, ntiyagira ico amwishura, ari mu nzozi, ari mu buryo bga Urimu, haba no mu bavugishwa na we.

1 Samweli 30:8

Dawidi araheza asiguza Uhoraho, ati Mbega ni nakurikira ico gitero nzogihamvya? Aramwishura, ati N’ubakurikire, kuk’ utazobura kubahamvya, ukabāka vyose.