1 Samweli 23:10 - Bibliya Yera 1951 1967 (Burundi)

¹⁰ Nuko Dawidi arasenga, at’ Uhoraho, Mana y’Abisirayeli, jewe umusavyi wawe numvise inkuru y’imvāho yuko Sauli agomba gutera i Keyila, ngw arandure iki gisagara agihōra jewe.

1 Samweli 23:10 ပူးပေါင်းရင်းမြစ်များ

Itanguriro 18:24

Kumbure mur’ ico gisagara hobamw’ abagororotsi mirongwitanu: none wokirandura ntugitunge, kandi kirimw’ abagororotsi mirongwitanu?

Esiteri 3:6

Arikw abona yuko gufata Moridekayi wenyene ata kimazi, kuko bari bamubgiye ubgoko bga Moridekayi ubg’ ari bgo; ni co catumye Hamani arondera uburyo bgo kugeseza Abayuda bose bāri mu bihugu vyose vy’umwami Ahasuwerusi, ari bo bgoko nyene bga Moridekayi.

Imigani 28:15

Ūtwaza ituntu abantu b’abafafara Ameze nk’intambge yivuga, n’igikōko citwa idubu yābagizwa n’inzara.

1 Samweli 22:19

Maz’ i Nobu, igisagara c’abaherezi, akigeseza n’ inkota, abagabo n’abagore, abana n’abonka, bo n’inka n’indogoba n’intama, vyose abimarira ku nkota.

1 Samweli 23:11

Mbeg’ abantu b’i Keyila bazontanga mu maboko yiwe? Kandi Sauli azomanuka koko, nk’uko jewe umusavyi wawe navyumvise? Ewe Uhoraho, Mana y’Abisirayeli, ndakwinginze barira umusavyi wawe. Uhoraho aramwishura, at’ Azomanuka.

1 Samweli 23:8

Nuko Sauli ahamagaza ingabo zose ngo zitabare, zije gutera i Keyila, zūgarize Dawidi n’ingabo ziwe.

1 Samweli 23:9

Dawidi amenye ko Sauli yamugīriye inama mbi, abarira Abiyatari umuherezi, ati Zana hano efodi.