1 Samweli 23:1 - Bibliya Yera 1951 1967 (Burundi)

¹ Bukeye babarira Dawidi, bat’ Ereg’ Abafilisitiya barateye i Keyila, bariko barasahura ivyandagaye ku mbuga.

1 Samweli 23:1 ပူးပေါင်းရင်းမြစ်များ

Daniyeli 2:35

Nukw icuma n’ibumba n’umuringa n’ifeza n’izahabu bica bimenagurikira rimwe, bicika nk’umuguruka wo ku mbuga basekurirako mu ci; umuyaga urabitumura, maz’ aho vyahora ntihaba hakiboneka: maz’ iryo buye ryikubise kur’ ico gishushanyo ricika umusozi munini, ryuzura isi yose.

Abalewi 26:16

nanje uko nzobagira n’uku: nzobagomorera ibibaca ivutu; kugenda mukōnyēra bo no kurwara inyonko bizotuma muhwera mu kajisho, imitima yanyu ihondobēre: muzorimira ubusa, kukw abansi banyu ari bo bazobirya.

Mika 6:15

Uzobiba, ariko ntuzokwimbura; uzokānya elayo, ariko ntuzokwisīga amavuta yayo; ukānye n’imizabibu, ariko ntuzonywa vino yayo.

Gusubira mu Vyagezwe 28:33

Imirima yo mu ndimiro zanyu, n’ivyo mwakoze vyose, bizoribga n’ihanga mutazi; muzokwama muhahazwa mucuranguzwa na ntaryo,

Gusubira mu Vyagezwe 28:51

Bazorya inyana z’ inka zanyu, n’ivyo imirima yanyu izoba yarēze, gushitsa aho muzorandukira; nta co bazobasigariza, ar’ icitwa uruheke, canke vino, cank’ amavuta ya elayo, cank’ uruvyaro rw’inka zanyu cank’ urw’ imikuku yanyu, gushitsa aho bazobahonereza.

Yosuwa 15:44

na Keyila na Akizibu na Maresha; vyose na vyose vyar’ ibisagara cenda, bifise imihana ibikūkira.

Abacamanza 6:11

Bukeye umumarayika w’ Uhoraho araza, yicara musi y’ igiti c’umweloni cari muri Ofura; car’ ica Yowasi Umwabiyezeri, kand’ umuhungu wiwe Gideyoni yarikw arakubitira ingano mu bgato baganiramwo vino, bgimbge mu kuzimu, kugira ngw azinyegeze Abamidiyani.

Abacamanza 6:4

bagasagazayo, bagasiribanga imirima yo mur’ ico gihugu kurinda ushitsa i Gaza, ntibāsigarana Abisirayeli ico kubatunga, ar’ agatungwa cank’ agaka cank’ akadogoba.