1 Samweli 20:30 - Bibliya Yera 1951 1967 (Burundi)

³⁰ Maz’ uburake bga Sauli buziriringira Yonatani, aramubarira, ati Wa mwana w’umugore w’intumva kandi w’inshirukanya! Mbeg’ ugira ngo sindabizi ko watoranije mwene Isayi ngo wīmāramāze, wambike na nyoko ibara?

1 Samweli 20:30 ပူးပေါင်းရင်းမြစ်များ

Yobu 5:2

Ereg’ igipfu ni co cicwa n’ umwikomo, N’imburabgenge ni yo yicwa n’ishari.

Imigani 14:29

Ūteba kuraka aba ar’ umunyabgenge bginshi, Arikw ikirandamuke cīhaya ubupfu.

Imigani 15:2

Ururimi rw’abanyabgenge rutonyanga ubgenge bubereye, Arikw akanwa k’ibipfu gasuka ubupfu.

Imigani 19:12

Uburake bg’umwami ni nk’ ukwivuga kw’intambge, Arikw ineza yiwe ni nk’ikime gihēmbūra ivyatsi.

Imigani 19:19

Umuntu w’ishavu ryinshi azorihōrwa, Kandi naho womutabara uzoba ukwiye gusubīra.

Imigani 21:24

Umwibone yihayagiza, izina ryiwe ni Mucokoranyi; Akorana ubugabo bg’ubgibone.

Imigani 25:28

Umuntu atītāngīra mu mutima Ameze nk’igisagara gitewe gisambutse uruzitiro.

Imigani 27:3

Ibuye rirarivye, umusenyi uraremereye, Arik’ umwikomo w’igipfu urusha vyompi uburemerezi.

Matayo 5:22

Ariko jeho ndababgira yuk’ umuntu wese azorakira mugenzi we azoba ashikiwe no gutsindwa n’urubanza; ūzotuka mugenzi we, ngo Wa kijuju we! azoba ashikiwe no gucirwakw iteka; ūzomutuka, ati Wa gipfu we! azoba ashikiwe no gutabga mu muriro wa Gehinomu.

Abanyefeso 4:31

Umururazi wose no kujingitwa n’uburake no gutongana no gutukana bibavemwo, hamwe n’inzigo yose.

Abanyefeso 6:4

Namwe ba se, ntimukaratse abana banyu, ariko mubarere, mubahana mubahanūra, uk’ Umwami wacu agomba.

1 Samweli 20:29

yarambgiye ngo ndamutabare ndamurekure, ngo Kukw i wabo mur’ ico gisagara bazotanga ikimazi, ngo Kandi mukuru we yamutumyeko; ngo Kandi ni naba ndamugiriye neza, ngo Ndamurekure, aje kubonana na bakuru be. Ico ni co camubujije kuza ku meza yawe, mwami.

1 Samweli 20:31

Erega mwene Isayi agihumeka, nta guhangama kwawe, nta n’ugutsindaza kw’ingoma yawe. Nuko tuma bamunzanire; n’ukuri azopfa nta kabuza!