1 Samweli 20:23 - Bibliya Yera 1951 1967 (Burundi)

²³ Kand’ iri jambo tuvuganye twe nawe, Uhoraho abe hagati yacu ibihe vyose.

1 Samweli 20:23 ပူးပေါင်းရင်းမြစ်များ

Itanguriro 16:5

Sarayi abarira Aburamu, at’ Aka gakēngērwe nkēngerewe kazoba ku mutwe wawe! Ko nashize incoreke yanje mu gikiriza cawe, maz’ ibonye kw ifise inda ica irankēngēra! Uhoraho n’aducire urubanza twe nawe!

Itanguriro 31:49

bo na Mizipa, kuko Labani yavuze, at’ Uhoraho yame ahagaze hagati ya twe nawe tumaze gutandukana.

Itanguriro 31:50

Ni waramuka ugiriye nabi abakobga banje, canke ni wabaharika, umenye yuko, nah’ ata wundi muntu azoba ariho, Imana izoba ari yo cabona hagati ya twe nawe.

Itanguriro 31:53

Imana ya Aburahamu, Imana ya Nahori, Imana ya se w’abo bompi, n’ibe kamaramagambo hagati yacu. Yakobo arahira Iyo se Isaka yubaha.

1 Samweli 20:24

Nuko Dawidi yinyegeza ku musozi; bukeye ukwezi kubonetse, umwami aravyagira ngw afungure.

1 Samweli 20:42

Maze Yonatani abarira Dawidi, ati Genda amahoro, ko twarahiye mw izina ry’Uhoraho, tukavuga, tut’ Uhoraho azoba hagati yacu no hagati y’ uruvyaro rwacu gushitsa ibihe vyose. Nuko Dawidi arahaguruka aragenda; Yonatani na we asubira mu gisagara.