1 Samweli 2:32 - Bibliya Yera 1951 1967 (Burundi)

³² Ngo Maze mu magorwa yawe uzotimamukira ivyiza azoba ahaye abandi Bisirayeli; ngo Kandi nta n’umwe wo mu nzu yawe azoba agishika mu zabukuru kugeza ibihe vyose.

1 Samweli 2:32 ပူးပေါင်းရင်းမြစ်များ

Zekariya 8:4

Uku ni k’Uhoraho Nyen’ ingabo agize, ati Hazoba igihe abatāma n’abatāmakazi bazokwongera kwiganamira ku bibuga vy’i Yerusalemu, umuntu wese azoba yishimikiza ikibando kubgo kwisāzira cane.

1 Samweli 2:33

Ngo Kandi ni hagira umuntu wo kuri wewe azosigara atamukūye ku gicaniro ciwe, na ho nyene bizoba ar’ ugusigara akobotse amaso, atuntuye mu mutima; ngo Kand’ ab’ uruvyaro rw’inzu yawe bose bazogenda bapfa bakenyutse.

1 Samweli 4:11

Kand’ isandugu y’ Imana ifatwa mpiri; na bene Eli bompi, Hofuni na Finehasi baricwa.

1 Samweli 4:22

Aravuga, at’ Icubahiro kirashize mu Bisirayeli, kukw isandugu y’Imana ifashwe mpiri.

1 Samweli 4:4

Nukw abantu batuma i Shilo, bakūray’ isandugu y’isezerano ry’Uhoraho Nyen’ ingabo yama avyagiye ku bakerubi, barayizana. Kandi bene Eli bompi, Hofuni na Finehasi, bazanana n’iyo sandugu y’isezerano ry’Imana.