1 Samweli 2:17 - Bibliya Yera 1951 1967 (Burundi)

¹⁷ Uko ni kw icaha c’abo basore cabaye igikomeye imbere y’Uhoraho, kuko bākēngēra ikimazi ciwe.

1 Samweli 2:17 ပူးပေါင်းရင်းမြစ်များ

Itanguriro 10:9

Yar’ umuhigi w’agahebuza imbere y’Uhoraho, bituma acibgakw akagani, ngo Ni nka Nimurodi, yar’ umuhīgi w’agahebuza imbere y’Uhoraho.

Itanguriro 13:13

Kand’ Abanyesodomu bār’ abanyavyaha, bacumura k’Uhoraho birengeje urugero.

Itanguriro 6:11

Kand’ isi yari yononekaye imbere y’Imana, yuzuye umuryano.

2 Abami 21:6

Atanga umuhungu wiwe kw ikimazi ngo yoserezwe mu muriro, agapfumuza, agatera amabara, akaja kuraguza abahamagara imizimu, n’ abamenyi; yakora ibibi vyinshi imbere y’Uhoraho, bimutera umwikomo.

Zaburi 51:4

Ni wewe, ni wewe ubgawe, nacumuyeko, Nakoze ikibi mu nyonga zawe: Vyabaye birtyo kugira ng’ uboneke k’ugororotse ni wavuga, Kand’ uboneke k’uroranya ni waca urubanza.

Yesaya 3:8

I Yerusalemu haradandabagiranye, i Buyuda haratemvye; kuk’ ururimi rwabo n’ibikorwa vyabo ar’ ibigarariza Uhoraho, bakajinyūrira imbere y’inyonga ziwe z’icubahiro.

Malaki 2:13

Kand’ ikigeretseko mukora, mutotesha igicaniro c’Uhoraho amosozi, mwīriza, musuhuza imitima, bigatuma atanakibabaye amashikanwa yanyu, ngw ayākīre ayemeye.

Matayo 18:7

Isi izobona ibara kubg’ ibitsitaza, kukw ivyo bitsitaza bitazobura kuza, arik’ uyo muntu azana igitsitaza azobona ibara.

1 Samweli 2:16

Uwo muntu yamwishura, ati Hinge babanze bose ibinure, uheze ubone gutwara iz’ ugomba; na we akamubarira, at’ Oya, urazimpa ubu nyene: utazimpaye ndazitwara wanse ukunze!

1 Samweli 3:13

Kuko mmaze kumubgira yuko ngiye guha inzu yiwe igihano kitazobavako, mbahōye ukugabitanya yirengagije, kukw abahungu biwe bihamagariye umuvumo, na we ntabateshe.