1 Samweli 19:20 - Bibliya Yera 1951 1967 (Burundi)

²⁰ Nuko Sauli atuma abantu gufata Dawidi: bashitseyo, basanga abavugishwa n’Imana b’agakama bariko baravugishwa, na Samweli ahagaze ngaho nk’umukuru wabo; maze Mpwemu w’Imana aza kur’ izo ntumwa za Sauli, na zo zica ziravugishwa.

1 Samweli 19:20 ပူးပေါင်းရင်းမြစ်များ

Yoweli 2:28

Hanyuma y’ivyo nzosuka Mpwemu wanje ku bari n’umubiri bose; abahungu banyu n’abakobga banyu bazovugishwa nanje, n’abatāma banyu bazorota inzozi, n’imisore yanyu izobona ivyo yeretswe.

Guharūra 24:2

Balamu yunamura amaso, abona Abisirayeli bashagaje nk’ukw imiryango yabo iri; Mpwemu w’ Imana amuzako.

Yohana 7:32

Abafarisayo bumvise kw ishengero rimuvugana ivyo mu twongoshwe, abaherezi bakuru n’Abafarisayo batuma abagendanyi kumufata.

1 Korinto 14:3

Arik’ ūvugishwa n’Imana, abarira abantu ivyo kubakomeza n’ivyo kubahanūra n’ivyo kubirura.

1 Samweli 10:10

Nuko bashitse kuri wa musozi, abavugishwa n’Imana b’agakama bahūra na we; maze Mpwemu w’Uhoraho amuzako akābushūngwe, avugishwa hamwe na bo.

1 Samweli 19:11

Maze Sauli atuma abantu ngo baje kwa Dawidi, bamuryamire, kugira ngo ni bgāca bamwice. Maze Mikali, muka Dawidi, aramubarira, at’ Iri joro n’utanyaga amagara, ejo bazokwica.

1 Samweli 19:14

Nukw izo ntumwa Sauli yarungitse gufata Dawidi, Mikali arazibgira, at’ Ararwaye.

1 Samweli 19:19

Maze babgira Sauli, bat’ Erega Dawidi ar’ i Nayoti i Rama.

1 Samweli 19:21

Babibgiye Sauli, atuma izindi ntumwa, na zo zishitse ziravugishwa. Arongera atuma izindi ubugira gatatu, na zo n’uko ziravugishwa.