1 Samweli 19:17 - Bibliya Yera 1951 1967 (Burundi)

¹⁷ Sauli abimenye, abaza Mikali, ati N’iki caguteye kumpenda urtyo, ukareka umwansi wanje, agacika? Mikali yishura Sauli, ati Yambgiye, ati Ndeka ngende, sinkwice.

1 Samweli 19:17 ပူးပေါင်းရင်းမြစ်များ

2 Samweli 17:20

Maz’ abantu ba Abusalomu bashikīra nya mugore mu rugo, baramubaza, bati Ahimasi na Yonatani bari hehe? Nya mugore arabishura, ati Bafashe hakurya. Nuko babarondeye, barababura, basubira i Yerusalemu.

2 Samweli 2:22

Abuneri asubira kubarira Asaheli, ati Ca hiyo, ureke kunkurikira; mbeg’ urinde kuntera kukwica? Nkwishe noshobora nte guhūza amaso na Yowabu mukurwawe?

1 Abami 21:20

Maze Ahabu abarira Eliya, at’ Urandonse akabero, wa mwansi wanje! Na we ati Ndakuronse akabero koko, kuko witanze gukora ivyo Uhoraho abona kw ari bibi.

Matayo 2:16

Maze Herode abonye ko yahenzwe n’abo banyabgenge, arajingitwa cane. Atuma kugeseza abana b’abahungu bose b’i Betelehemu no mu misozi yose ihakikije, abamaze imyaka ibiri n’abatarayimara, yagerereje igihe yasigurije abanyabgenge.

Galatiya 4:16

Mbega mpinduwe umwansi wanyu no kubabgira ukuri?

1 Samweli 19:14

Nukw izo ntumwa Sauli yarungitse gufata Dawidi, Mikali arazibgira, at’ Ararwaye.

1 Samweli 19:16

Nukw izo ntumwa zinjiye zisanga terafimu ari yo iri ku buriri, na ca kijishano c’ubushenza bg’impene kiri mu mutwe wayo.

1 Samweli 22:17

Umwami araheza abarira abashibamyi bamukikije, ati Ni mukūre hasi, mwice abo baherezi b’Uhoraho, kuko bāfatanye agatoke na Dawidi, kandi bāri bazi ko yahunze, ntibabimbarire. Arikw abo bantu b’umwami ntibemera gukoza amaboko kur’ abo baherezi b’ Uhoraho.

1 Samweli 28:12

Uwo mupfumukazi abonye Samweli, atura ubuku n’ijwi rirenga, abaza Sauli, at’ Umbesheye iki? Erega ni wewe Sauli!