1 Samweli 19:10 - Bibliya Yera 1951 1967 (Burundi)

¹⁰ Sauli agerageza gusākiza Dawidi icumu, ngo rirume ku nzu; Dawidi ararizibukira, amuva imbere, rinega ku nzu. Nuko mur’ iryo joro nyene Dawidi arahunga, aramukira.

1 Samweli 19:10 ပူးပေါင်းရင်းမြစ်များ

Zaburi 124:7

Ubugingo bgacu bukize nk’ ukw inyoni iva mu mutego w’abatezi, Umutego uracitse, natwe tuvamwo turarokoka.

Zaburi 18:17

Ankiza umwansi wanje akomeye, N’abanyanka, kuko bandusha inkomezi.

Zaburi 34:19

Amarushwa y’umugororotsi ni menshi, Arik’ Uhoraho ayamukiza yose.

Zaburi 37:32

Umunyakibi agenzura umugororotsi, Akarondera ingene yomwica.

Imigani 1:16

Kukw ibirenge vyabo vyirukira gukora ikibi, Kandi bihutira kuvisha amaraso.

Imigani 21:30

Ubgenge cank’ ukumenya Cank’ inama, biba ar’ ubusa imbere y’Uhoraho.

Yesaya 54:17

Nta co kurwanisha bācuriye kukurwanya kizogira ico kimara; kand’ ururimi rwose ruzoguhagurukira kukubūranya, uzorutsinda. Ivyo ni vyo mwandu w’abasavyi banje, jewe Uhoraho, kand’ ukwo ni kwo kugororoka kwabo kwanduruka kuri jewe; ni jewe Uhoraho mbivuze.

Hoseya 6:4

Ewe Efurayimu, mbega nkugire nte? Nawe nyene Yuda, ndakugire nte? Kuk’ urukundo munkunda rumeze nk’igipfungu co mu gatondo‐tondo, kandi nk’ urume ruta mu kanya gato.

Matayo 10:23

Ni babahama mu gisagara kimwe, muhungire mu kindi: kuko mbabgira ukuri yuko mutazohetura ibisagara vyose vy’i Bgisirayeli, Umwana w’umuntu ataraza.

Luka 4:30

arikw aca hagati muri bo, arīgīra.

Yohana 10:39

Nuko bongera kurondera ingene bomufata, abava mu maboko.

Abaheburayo 11:34

no kuzimya ubukare bg’umuriro, no gukira ubugi bg’inkota, no guhindurwa mu ntege nke ngo zicike inkomezi, no kuba agahebuza mu ntambara, no kunesha ingabo z’abanyamahanga.

1 Samweli 18:10

Bukeye impwemu mbi irungitswe n’Imana iza kuri Sauli akābushūngwe, ashirakw ariyamiriza ari mu ngoro, Dawidi akavuza inanga nk’uko yar’ asanzwe akora imisi yose; kandi Sauli yar’ afise icumu mu ntoke.

1 Samweli 18:11

Araheza ararirekura, ati Hinge ndarisākize Dawidi, rirume ku nzu. Ariko Dawidi amuzibukira kabiri.

1 Samweli 19:6

Nuko Sauli yumvira Yonatani, aramurahira, ati Ndahiye uguhoraho kw’ Uhoraho akaba agipfuye!

1 Samweli 20:33

Sauli amutera icumu ngw amwice; bituma Yonatani amenya ko se yamaramaje kwica Dawidi.