1 Samweli 18:5 - Bibliya Yera 1951 1967 (Burundi)

⁵ Nuko Dawidi yama agenda aho Sauli yamutuma hose, akabigiramw’ ikiganza ciza, bituma Sauli amuha kugaba ingabo ziwe; abantu bose barabishima, mbere n’abagendanyi ba Sauli na bo.

1 Samweli 18:5 ပူးပေါင်းရင်းမြစ်များ

Itanguriro 39:23

Umurinzi w’ ibohero ntiyagira ikintu yibaza ku vyo yamushikirije, kuk’ Uhoraho yari kumwe na we; kand’ Uhoraho amuha kugira ikiganza ciza ku co akoze cose.

2 Samweli 5:10

Nuko Dawidi arushiriza kuba agahambaye, kuk’ Uhoraho Imana Nyen’ ingabo yari kumwe na we.

2 Samweli 5:2

Kandi mu bihe vya kera, hamwe Sauli yar’ umwami wacu, ni wewe wajana Abisirayeli gutabara, mugatabarukana. Kand’ Uhoraho yarakubgiye kw ari wewe uzoragira abantu biwe b’ Abisirayeli, kandi k’uzoba segaba wabo.

2 Ivyo ku Ngoma 17:3

Uhoraho abana na Yehoshafati, kuko yagendera mu ngeso sekuruza Dawidi yagendeyemwo uhereye ubga mbere, ntaje gusiguza za Bayali,

Zaburi 1:3

Azoba nk’igiti gitewe hafi y’ imigezi y’amazi, Cama igihe caco, Ibibabi vyaco ntivyuma: Ic’ azokora cose kizomubera ko.

Zaburi 101:2

Nzokwitondera kugendera mu nzira itunganye: Uzoza aho ndi ryari? Nzokwama ngendana mu nzu yanje umutima utunganye.

Matayo 10:16

Rāba mbatumye muri nk’intama mu mabingira hagati. Nuko mugire ubgenge nk’inzoka, mumere nk’inuma ata karohe.

Ivyakozwe 7:10

imukiza mu marushwa yiwe yose, imuha ubutoni n’ubgenge kuri Farawo, umwami wo muri Egiputa, amugira icēgēra ciwe ngw aganze muri Egiputa, amuzēza n’urugo rwiwe rwose.

Abanyefeso 5:17

Nuko ntimube ibipfu, ariko mutahure ivy’ Umwami wacu agomba ivy’ari vyo.

Kolosayi 4:5

Mugendane ubgenge ku bo hanze, mugura uburyo mubugwiza.

Abacamanza 1:19

Uhoraho yari kumwe n’Abayuda; birukana ababa mu gihugu c’umugamba, ariko ntibashobora kwirukana ababa mu biyaya, kuko bari bafise imikogote y’ivyuma.

1 Samweli 13:2

Sauli yitoraniriza abantu mu Bisirayeli ibihumbi bitatu; muri bo, ibihumbi bibiri bāba kuri we i Mikimashi no ku musozi w’i Beteli; abandi igihumbi bāba kuri Yonatani i Gibeya h’i Bubenyamini; abasigaye arabacūra, umuntu wese yītāhira i we.

1 Samweli 14:52

Imisi yose Sauli yabayeho hābaye indwano zigoye hagati yabo n’Abafilisitiya; kandi Sauli, iy’ abonye umuntu wese w’amagara kandi w’umuhizi yaca amujana i we.

1 Samweli 18:16

Arikw Abisirayeli n’Abayuda bose bākunda Dawidi, kuko yatabarana na bo amaja n’amaza.

1 Samweli 18:30

Bukeye abaganwa b’Abafilisitiya baza gutera; kand’ uko bātera kwose, Dawidi yagira ibakwe kurusha abandi bantu bose ba Sauli, bituma izina ryiwe riba rurangiranwa.

1 Samweli 18:4

Yonatani yikiza umutamana wiwe yari yambaye, awuha Dawidi, amuha n’ivyo yambara mu ntambara, mbere n’inkota yiwe n’ umuheto n’umukanda.

1 Samweli 18:6

Maze mw itabaruka ryabo, Dawidi agarutse avuye kwica wa Mufilisitiya, abagore bava mu bisagara vyose vy’Abisirayeli, bavyina batamba, baza gusanganira umwami Sauli, bafise udushāko tw’ingoma n’utundi tuvuga nk’ inanga, bavuza impundu.

1 Samweli 3:19

Nuko Samweli arakura, Uhoraho abana na we; ntiyakunda ko hagira ijambo na rimwe rya Samweli rikorokera hasi.