1 Samweli 18:17 - Bibliya Yera 1951 1967 (Burundi)

¹⁷ Bukeye Sauli abarira Dawidi, ati Nguyo umukobga wanje mukuru Merabu, nzomuguha; ariko rero, uz’ ube umuhizi wo kundwanira, urwane intambara z’Uhoraho. Kuko Sauli yavuga, ati Yoye kuzongwako, arikw az’ agwe ku Bafilisitiya.

1 Samweli 18:17 ပူးပေါင်းရင်းမြစ်များ

2 Samweli 11:15

Yandika mur’ ico cete, ati Muherereze Uriya imbere ah’ urugamba rukaze, muheze mwīgire inyuma mumute, kugira ngo bamutere apfe.

2 Samweli 12:9

N’iki catumye ukēngēra ijambo ryanje jewe Uhoraho, ugakora ivyo mbona kw ari bibi, ukicisha inkota Uriya Umuheti, ugacūra umugore wiwe ukamugira rwawe, na we Uriya ukamwicisha inkota y’Abamoni?

2 Samweli 6:16

Maz’ isandugu y’Uhoraho igitamaje ku murwa wa Dawidi, Mikali umukobga wa Sauli arungurukira mw idirisha, abona umwami Dawidi yitera hejuru, yiyerekera imbere y’Uhoraho; amugayira mu mutima.

Zaburi 12:2

Bose barabeshana, umuntu wese na mugenzi we: Bavugisha iminwa ihemana n’imitima ibiri.

Zaburi 55:21

Akanwa kiwe kanyerera nk’ amavuta, Arik’ umutima wiwe warimw’ intambara gusa; Amagambo yiwe yaremba kurusha amavuta ya elayo, Ariko yar’ inkota zisokowe.

Imigani 26:24

Uwankana atuma iminwa yiwe ihendana, Kand’ abīka uburyarya imbere muri we.

Imigani 26:25

Ni yagira imvugo nziza, ntuz’ umwemere, Kuko mu mutima wiwe harimw’ ibizira ndwi.

Imigani 26:26

Nah’ inzigo yiwe yokwipfukapfukisha ubugunge, Ukugabitanya kwiwe kuzokwerekanirwa imbere y’ ishengero.

Guharūra 21:14

Ni co gituma vyaravuzwe mu gitabo c’Intambara z’Uhoraho, ngo Vahebu h’i Sufa, Bo n’imyonga yo kuri Arunoni,

Guharūra 32:20

Mose arabishura, ati Ni mwakora murtyo, mugahitana ibirwanishwa mukaja mu ntambara imbere y’Uhoraho,

Guharūra 32:27

ariko twebge abasavyi bawe tuzojabuka, twitwaje ibirwanishwa vy’intambara uko tungana, tuje mu rugamba imbere y’Uhoraho, nk’uk’ uvuze, mugenzi.

Guharūra 32:29

arababarira, at’ Abagadi n’ Abareyubeni ni bajabukana namwe Yorodani, bitwaje ibirwanishwa vy’intambara imbere y’Uhoraho, igihugu mukagitsinda; nuko muze mubahe igihugu c’i Gileyadi kw ishamvu.

Gusubira mu Vyagezwe 17:7

Amaboko y’abamwagīrīje az’ abe ari yo atangura kumwica, maze habone gukurikirako n’ abandi bantu bose. Ukw az’ abe ari ko mukūra ikibi hagati muri mwebge.

1 Samweli 14:49

Abahungu ba Sauli bāri Yonatani na Ishivi na Malikishuwa, kand’ abakobga biwe bompi, umukuru yari Merabu, umutoyi yari Mikali.

1 Samweli 17:25

Abisirayeli baravuga, bati Ntimubona uriya mugabo adūze? Adūganywe no gucōkōra Abisirayeli, nta kindi. Umuntu yomwica, umwami azomugororera vyinshi, kand’ azomushingira umwana wiwe, akūre n’inzu ya se kw ikori mu Bisirayeli.

1 Samweli 17:36

Non’ umusavyi wawe ko namaze kwica intambge n’idubu, n’uwo Mufilisitiya w’intakebga azopfa nka kimwe muri vyo, kuko yacōkōye ingabo z’Imana nzima.

1 Samweli 17:47

kand’ iri koraniro ryose rimenye yuk’ Uhoraho adakirisha inkota cank’ icumu, kukw intambara ar’ iy’ Uhoraho, kandi ni we agira abagabure mu maboko yacu.

1 Samweli 18:21

Aravuga, ati Nzomumuha, amubere umutego, agwe ku Bafilisitiya. Ni co catumye Sauli abarira Dawidi ubugira kabiri, at’ Uyu musi ubaye umukwe wanje.

1 Samweli 18:25

Maze Sauli arababarira, ati Muze mubarire Dawidi, muti Ntagomba inkwano; mut’ Ico agomba n’ubugabo ijana uzoshāhura Abafilisitiya, kugira ngo yīhōre abansi biwe. Ariko Sauli yagira ngw akororere Dawidi mu maboko y’Abafilisitiya.

1 Samweli 18:27

Igihe gishinzwe kitaragera, Dawidi ahagurukana n’ingabo ziwe, yica mu Bafilisitiya abagabo amajana abiri; nuko Dawidi atabarukana ubugabo bgabo, babushikiriza umwami ukw igitigiri cabgo kingana, kugira ngo Dawidi abone kuba umukwe w’umwami. Nuko Sauli amushingira umukobga wiwe Mikali.

1 Samweli 25:28

Ndakwinginze, mpangaza jewe umuja wawe, umparire igicumuro canje: Uhoraho ntazobura guha inzu yawe kurama, kuk’ urwana intambara z’Uhoraho, mugenzi, kandi nta kibi kizokubonekako imisi yose uzoba uriho.

1 Samweli 30:26

Maze Dawidi ashitse i Sikulagi, arungikira abakunzi biwe b’ abashingantahe b’i Buyuda ku minyago, ati Ngivyo ivyo mbagabiye bivuye ku minyago y’abansi b’ Uhoraho.