1 Samweli 17:4 - Bibliya Yera 1951 1967 (Burundi)

⁴ Bukeye mu nsago z’Abafilisitiya havamw’ umuhizi yitwa Goliyati w’i Gati; uburebure bgiwe bgar’ amatambge atandatu y’ukuboko uciriye mu nkokora n’itambge rimwe ry’intoke.

1 Samweli 17:4 ပူးပေါင်းရင်းမြစ်များ

1 Ivyo ku Ngoma 11:23

Yishe n’Umunyegiputa, kandi yar’ umugabo muremure cane, uburebure bgiwe bgar’ amatambge atanu y’ukuboko uciriye mu nkokora; uwo Munyegiputa yar’ afise icumu mu minwe, uruti rwaryo rwāngana n’umwaro ujishirwakw impuzu; ariko we amanuka iy’ ari atwaye ubuhiri gusa; amushikura iryo cumu, ararimwicisha.

Amosi 2:9

Yamar’ ari jewe naranduye Abamori imbere yabo, uburebure bgabo bgari bumeze nk’ubg’ amasederi, kandi bari bakomeye nk’ibiti vy’imyeloni; ariko nahenebereje ivyo bamye mpereye hejuru, n’imizi yabo, mpereye hasi.

Gusubira mu Vyagezwe 3:11

(Kand’ uyo Ogi, umwami w’i Bashani, ni we wenyene yar’ agasigarira k’Abarefa. Uburiri bgiwe bgar’ ubg’ icuma: mbega ntibukir’ i Raba mu Bamoni no kugeza n’ubu? Uburebure bgabgo bgar’ amatambge cenda y’ukuboko uciriye mu nkokora, ubgaguke bgar’ amatambge ane, nk’ukw itambge ry’ ukuboko risanzwe rireha.)

Yosuwa 11:22

Ntihagira n’umwe wo mu Banaki asigara mu gihugu c’Abisirayeli, atari bamwe‐bamwe basigaye i Gaza n’i Gati n’i Ashidodi.

1 Samweli 17:23

Akirikw arayāga na bo, wa muhizi w’Umufilisitiya w’i Gati yitwa Goliyati asokoroka mu ngabo z’Abafilisitiya, atangura kwiyamāmura nk’ uko yahora. Dawidi aravyumva.

1 Samweli 17:3

Abafilisitiya batonda ku musozi wo hakurya, Abisirayeli ku wo hakuno, umwonga ugaca hagati yabo.

1 Samweli 17:5

Kandi yari yambaye inkofero y’umuringa mu mutwe, n’umwinjiro ukozwe mu miringa, urivye shekeli ibihumbi bitanu;

1 Samweli 27:4

Maze babariye Sauli ko Dawidi yahungiye i Gati, ntiyasubira kumurondera ukundi.