1 Samweli 17:37 - Bibliya Yera 1951 1967 (Burundi)

³⁷ Dawidi atakw aravuga, at’ Uhoraho yagiye andokora mu nzāra z’intambge no mu z’idubu, arandokora no mu maboko y’uwo Mufilisitiya. Nuko Sauli abarira Dawidi, ati Nuko genda; Uhoraho abane nawe.

1 Samweli 17:37 ပူးပေါင်းရင်းမြစ်များ

2 Samweli 10:12

Nuko shira ubgoba, turwane kigabo, turwanire ubgoko bgacu n’ibisagara vy’Imana yacu; na we Uhoraho arakora ico ashima.

1 Ivyo ku Ngoma 22:11

None rero mwana wanje, Uhoraho abane nawe; aguhe kugira ikiganza ciza, wubake ingoro y’ Uhoraho Imana yawe, nk’uko yabikuvuzeko.

1 Ivyo ku Ngoma 22:16

Rāba amazahabu n’amafeza n’imiringa n’ivyuma ntibigira uko vyoharūrika. None rero shirako, ukore, kand’ Uhoraho abane nawe.

Zaburi 11:1

Uhoraho ni we mpungirako. Mubaririra iki umutima wanje, Muti Hungira ku musozi wanyu nk’inyoni?

Zaburi 118:6

Uhoraho ari mu ruhande rwanje, sinzotinya: Non’ umuntu yoshobora kungira iki?

Zaburi 138:3

Umusi nagutakambiyeko waranyishuye, Undemeshesha gusubiza intege mu mutima wanje.

Zaburi 63:7

Kuko wambereye umufasha, Kandi nzovugiriza impundu mu gitūtu c’amababa yawe.

Zaburi 77:11

Nzovuga ibikorwa vy’Uhoraho, Kuko nzokwibuka ibitangaza vyawe vya kera.

Daniyeli 3:17

Asangw’ ari ko bimeze, Imana yacu dusavye ishobora kudukiza mur’ iryo tanure ry’umuriro uhinda; kandi ntiyobura kudukiza mu kuboko kwawe, mugenzi.

Yosuwa 1:17

Nk’uko twahora twumvira Mose muri vyose, ni ko nawe tuzokwumvira; mugabo rero, Uhoraho Imana yawe az’ abane nawe nk’uko yabana na Mose.

Rusi 2:4

Bowazi araza, avuye i Betelehemu, abgira abagenyi, at’ Uhoraho abane namwe. Na bo baramwishura, bat’ Uhoraho aguhe umugisha.

1 Samweli 17:36

Non’ umusavyi wawe ko namaze kwica intambge n’idubu, n’uwo Mufilisitiya w’intakebga azopfa nka kimwe muri vyo, kuko yacōkōye ingabo z’Imana nzima.

1 Samweli 17:38

Maze Sauli yambika Dawidi imyambaro yiwe, amwambika n’inkofero y’umuringa mu mutwe, n’umwinjiro w’ ivyuma.

1 Samweli 20:13

Ariko data ni yaramuka agomba kukugirira nabi, simbikumenyeshe, ngo nkurungike wīgīre uburarame, Uhoraho abimpanire, kandi birushirije. Kand’ Uhoraho az’ abane nawe nk’uko yabana na data.

1 Samweli 24:19

Mbeg’ umuntu yobona umwansi wiwe, agaheza agapfa kumureka akīgīra? Uragahabga ingororano nziza n’Uhoraho, ku vy’ unkoreye uyu musi.

1 Samweli 26:25

Maze Sauli abarira Dawidi, at’ Uragahezagirwa, mwananje Dawidi! Uzokora ivy’ ubuhizi, kand’ uzotsinda nta kabuza. Nuko Dawidi arīgīra, Sauli na we asubira i we.

1 Samweli 7:12

Maze Samweli yābīra ibuye, arishinga hagati y’i Misipa n’i Sheni, aryita Ebenezeri, ati Kugeza n’ubu Uhoraho aradutabaye.