1 Samweli 17:18 - Bibliya Yera 1951 1967 (Burundi)

¹⁸ Kand’ ugemurire umugabisha w’umuce barimwo, aya masoro ukw ar’ icumi y’umukānyūre w’amavuta; uheze urābe bakuru bawe uko bameze, unzanire agakuru k’imvāho.

1 Samweli 17:18 ပူးပေါင်းရင်းမြစ်များ

Itanguriro 37:13

Isirayeli abarira Yosefu, ati Harya bakuru bawe ntibaragiye umukuku i Shekemu? Enda ngwino ngutume kuri bo. Aramwishura, ati Ntuma.

Itanguriro 37:14

Aramubarira, ati Genda urābe ko bakuru bawe bar’ amahoro, n’umukuku k’ur’ amahoro, uheze ugaruke umbarire. Nukw aramutuma, ava mu kiyaya c’i Heburoni, ashika i Shekemu.

2 Samweli 17:29

n’ubūki, n’urubu, n’ intama, n’umukānyūre w’amavuta y’inka, babigemurira Dawidi n’ abo bari kumwe; kuko bari biyumviriye, bat’ Abantu barashonje kandi bararushe, bafise inyota aho bari mu bugaragwa.

Esiteri 2:11

Kandi Moridekayi yahora agendagenda uko bukeye inyuma y’urugo rw’inzu y’abigeme, kugira ngw amenye Esiteri uko yaramutse n’ukw ameze.

Yobu 10:10

Mbega ntiwansutse nk’amata, Ukamvuza nk’urubu?

Kuvayo 18:7

Mose arasohoka, aja gusanganira sebukwe, akubita inkoro hasi, amugwa mu nda, babazanya amakuru, binjira mw ihema.

Ivyakozwe 15:36

Hashize imisi, Paulo abgira Barunaba, at’ Ingo dusubire ha handi tugendere bene Data mu gisagara cose aho twāvuze ijambo ry’Umwami Yesu, tumenye uko bameze.

Abacamanza 18:15

Bakeberezaho, bashika mu nzu ya wa musore w’ Umulewi mu rugo rwa Mika, baramuramutsa;

1 Samweli 16:20

Nuko Isayi yābīra indogoba, ayishirakw imitsima n’umukuza w’urusāto wuzuye vino, n’umwagazi w’impene, abirungikana umuhungu wiwe Dawidi ngw abishikanire Sauli.

1 Samweli 17:19

Kandi Sauli n’abo bakuru ba Dawidi n’ingabo zose z’Abisirayeli bāri kuri wa mwonga Ela bashāmiranye n’Abafilisitiya.

1 Samweli 25:5

Nuko Dawidi atuma abahungu b’imisore cumi, ati Ni mudūge muje i Karumeli, muje kwa Nabali, mumundamukirize;

1 Samweli 30:21

Maze Dawidi ashika kuri ba bantu amajana abiri bāri barushe, bananirwa kumukurikira, bakabasiga ku mugezi Besori; baza gusanganira Dawidi n’abari kumwe na we. Dawidi abashikiriye arabaramutsa.