1 Samweli 17:11 - Bibliya Yera 1951 1967 (Burundi)

¹¹ Maze Sauli n’Abisirayeli bose bumvise ayo magambo y’Umufilisitiya, barīhebūra, bagira ubgoba bginshi.

1 Samweli 17:11 ပူးပေါင်းရင်းမြစ်များ

Zaburi 118:6

Uhoraho ari mu ruhande rwanje, sinzotinya: Non’ umuntu yoshobora kungira iki?

Zaburi 27:1

Uhoraho ni we muco wanje n’agakiza kanje: nzotinya nde? Uhoraho ni we gihome gikīngira ubugingo bganje, ni nde azonca ivutu?

Imigani 28:1

Abanyakibi bahunga ata wubirukanye, Arikw abagororotsi bagumya umutima nk’intambge.

Yesaya 57:11

Mbeg’ uwo watinya ukamugirira ubgoba ni nde, bigatuma ubesha, ntunyibuke, ng’ ubishirek’ umutima? Mbega simmaze igihe kinini ncereje, si co catumye utanyubaha?

Gusubira mu Vyagezwe 31:8

Uhoraho ni we azokuja imbere; azobana nawe, ntazoguheba, ntazoguta; ntutinye, nturanduke umutima.

Yosuwa 1:9

None si jewe nkwibaririye, nti Shikama, ushire amanga? Nuko ntutinye, nturanduke umutima, kuko jewe Uhoraho Imana yawe ndi kumwe nawe ah’ uzoja hose.

1 Samweli 13:7

Mbere bamwe bo mu Baheburayo bāri bajabutse Yorodani, baja mu gihugu c’i Gadi n’i Gileyadi; ariko Sauli we yar’ akir’ i Gilugali; kand’ abāri bakiri kuri we bāri bakūtse imitima.

1 Samweli 17:10

Uwo Mufilisitiya arongera aravuga, at’ Uyu musi ndagaye ingabo z’Abisirayeli! Enda ni muzane umuntu, twimarize twempi!

1 Samweli 17:12

Kandi Dawidi yar’ umwana wa wa Munyefurata w’i Betelehemu h’i Buyuda yitwa Isayi; Isayi yar’ afise abahungu munani; kand’ igihe Sauli yīma Isayi yar’ ashitse mu zabukuru.

1 Samweli 21:13

Araheza yigira ukundi imbere yabo, yisarishiriza muri bo, aharamba inzugi z’irembo, akarekura urukonda rugashororokera mu bganwa.

1 Samweli 7:7

Abafilisitiya bumvise kw Abisirayeli bakoraniye i Misipa, abaganwa babo baca badūga kubatera. Abisirayeli bavyumvise, bagira ubgoba kubg’ Abafilisitiya.