1 Samweli 16:7 - Bibliya Yera 1951 1967 (Burundi)

⁷ Arik’ Uhoraho abarira Samweli, ati Nta co urāba ishusho yiwe, cank’ ikirēho ciwe, kuko ntāmushimye; erega jewe sindāba nk’ukw abantu barāba: kukw abantu barāba ku rukoba gusa, ariko jewe Uhoraho ndāba mu mutima.

1 Samweli 16:7 ပူးပေါင်းရင်းမြစ်များ

Itanguriro 4:5

ariko ntiyākīrira Kayini ishikanwa ryiwe. Maze Kayini araraka cane, mu maso hiwe harijirwa.

2 Samweli 14:25

Kandi mu banyakaranga bo mu Bisirayeli bose nta wavugangwa nka Abusalomu; uhereye mu bgōro bg’ikirenge ugashitsa mu gitwariro nta gasembga yagira.

2 Samweli 7:20

Non’ ikindi jewe Dawidi nokubgira n’iki? kuk’ uzi umusavyi wawe, Mwami Uhoraho.

1 Abami 8:39

nuk’ uz’ uvyumve uri mw ijuru ah’ uba, uharire, ugire ico ukora, ugenze umuntu wese nk’ukw ameze, wewe uzi umutima wiwe, kukw ari wewe wenyene uzi imitima y’abantu bose;

1 Ivyo ku Ngoma 17:18

Non’ ikindi jewe Dawidi nokubgira n’iki, ku vy’icubahiro ngiriwe? Kuk’ uranzi, jewe umusavyi wawe.

1 Ivyo ku Ngoma 28:9

Kandi nawe, mwana wanje Salomo, ukwiye kumenya Imana ya so, uyisabane umutima utunganye kand’ ukunze; kuk’ Uhoraho asuzuma imitima yose, akamenya imigabo yose n’ivyiyumviro vyose. Ni wamurondera uzomubona, ariko ni wamuvako, azoguheba gushitsa ibihe vyose.

2 Ivyo ku Ngoma 16:9

Kand’ inyonga z’Uhoraho zinyuranganya mw isi yose hirya no hino, kugira ngo yerekane ububasha bgiwe bgo gutabara abafise imitima imutunganiye. Mu vyo wakoze ivyo, wakoze ivy’ ubupfu; nuk’ uhereye ubu uzohora ubona intambara.

2 Ivyo ku Ngoma 6:30

nuk’ uz’ uvyumve uri mw ijuru ah’ uba, uharire, ugenze umuntu wese nk’ukw ameze, wewe uzi umutima wiwe, kukw ari wewe wenyene uzi imitima y’abantu;

Yobu 10:4

Mbeg’ ufise amaso y’umubiri? Canke se urāba nk’ukw abantu barāba?

Yobu 35:5

Itegereze mw ijuru urābe; Kand’ urābe iyo hejuru, ingene hagusumba.

Zaburi 139:2

Urazi iyicara ryanje n’īva hasi ryanje, Umenyera kure ivyo niyumvira.

Zaburi 7:9

Ububi bg’abanyakibi ni bushire, arikw abagororotsi ubashigikire: Kukw Imana igororoka ari yo isesa imitima n’imishaha.

Imigani 15:11

I kuzimu n’amahonero bigaragarira Uhoraho, Non’ imitima y’abana b’abantu ntirushirije kumugaragarira?

Imigani 16:2

Ingendo zose z’umuntu ziba izitunganye mu maso yiwe ubgiwe, Arik’ Uhoraho agera imishaha ku munzane.

Imigani 24:12

Ni wavuga, ut’ Erega ntitwari tubizi: Mbeg’ Ūgera imitima ku munzane ntavyiyumvira? Kand’ Ūzigama ubugingo bgawe ntabizi? Mbega ntazokwishura umuntu wese ibikwiranye n’ivyo yakoze?

Imigani 31:30

Akazuru gusa karahendana, n’ubgiza bgo ku rukoba nta co bumaze, Arik’ umugore yubaha Uhoraho ni we ashimwa.

Yeremiya 11:20

Ariko, Uhoraho Nyen’ ingabo, wewe uca iziroranye, ukagerageza imishaha n’imitima, umpe kwibonera ingen’ ubīhōra: kukw ari wewe nitwayeko.

Yeremiya 17:10

Ni jewe Uhoraho nsesa umutima, nkagerageza umushaha, kugira ngo ngerere umuntu wese ibikwiranye n’ingeso ziwe, n’ibikwiranye n’ivy’ ibikorwa vyiwe vyeze.

Yeremiya 20:12

Ariko wewe, Uhoraho Nyen’ ingabo, wewe ugerageza abagororotsi, ukitegereza imishaha n’imitima, umpe kwibonera ingen’ ubīhōra, kukw ari wewe nitwayeko.

Luka 16:15

Arababgira, ati Mwebge mugomba kwiyerekana nk’abagororotse mu maso y’abantu, arikw Imana irazi imitima yanyu: kukw igishizwe hejuru mu bantu ar’ igisesema mu nyonga z’Imana.

Yohana 7:24

Ntimupfe guca imanza ku biboneka, ariko muce imanza z’ukuri.

Yohana 8:15

Mwebge muca urubanza nk’abantu, jeho nta n’umwe ncira urubanza.

Ivyakozwe 1:24

Barasenga, bati Mwami, ni wewe uzi imitima y’abantu bose, none werekane uwo utoranije mur’ aba bompi

2 Korinto 10:10

Kuko bavuga, bat’ Ivyete vyiwe birahambaye, birasogōta, arikw iy’ ar’ ino, arakēngēretse, kand’ amajambo yiwe nta co amaze.

2 Korinto 10:7

Mbega murāba ibibonwa n’amaso? Namba har’ umuntu yizigiye kw ar’ uwa Kristo, yibgire n’ibi, yuk’ ukw ar’uwa Kristo, natwe ari ko turi.

Abaheburayo 4:13

Kand’ imbere yayo nta caremwe gihishijwe, ariko vyose vyambaye ubusa, biragaragara, imbere y’inyonga z’Iyizotubaza ivyo twakoze.

1 Petero 2:4

Nuko mumwēgēre, ari we buye rifise ubugingo, ryagawe n’abantu, ariko ku Mana ryaratoranijwe, riri n’igiciro,

1 Petero 3:4

ariko kube ukw’ umuntu ahishijwe wo mu mutima, ugushaza kudashira, ni kwo mutima w’ubugwaneza utekereje, ni kwo kw’ igiciro kinini imbere y’Imana.

Ivyahishuwe 2:23

Kandi n’abana biwe nzobicisha urupfu, kand’ amashengero yose azomenya yukw ari jewe nsesa mu mishaha no mu mitima, kandi nzokwishura umuntu wese wo muri mwebge ibihwanye n’ivyo mwakoze.

1 Samweli 2:3

Ntimukongere kuvuga ivy’ ubgibone murtyo, Ivy’ amanyama ntibigaturuke mu kanwa kanyu; Kuk’ Uhoraho ar’ Imana izi vyose, Ni yo igera ibikorwa vy’abantu nko ku munzane.

1 Samweli 9:2

Kandi yar’ afise umuhungu mwiza w’umusore yitwa Sauli. Nta n’umwe mu Bisirayeli yamurusha ubgiza, kandi yasumba abantu bose, bamugera ku bitugu gusa.