1 Samweli 16:22 - Bibliya Yera 1951 1967 (Burundi)

²² Maze Sauli atuma kuri Isayi, ut’ Aragusavye Dawidi ngw amugendanire, kukw amushimye.

1 Samweli 16:22 ပူးပေါင်းရင်းမြစ်များ

Itanguriro 30:27

Labani aramwishura, at’ Icompa ukanezererwa kugumana nanje! Kuko nabonye rwose yuk’ Uhoraho yampaye umugisha kubgawe.

Itanguriro 39:4

Yosefu atona kuri we, aba ingendanyi yiwe; maz’ amuhindura umubgiriza wo mu rugo rwiwe, amuzeza ivy’ afise vyose.

Zaburi 131:1

Uhoraho, umutima wanje ntiwibona, kand’ amaso yanje ntiyishira hejuru; Kandi sinishira mu vyo ntagezwemwo, Canke mu bitangaza bindengeye.

Daniyeli 1:5

Nuk’ umwami agera ingaburo bahabga imisi yose ivuye ku vy’ umwami afūngura, no ku giturire yuhira, kandi ko bagaburirwa imyaka itatu; ngo ni yashira babone gukorera umwami.

Gusubira mu Vyagezwe 1:38

ati Yosuwa mwene Nuni, wa mutumwa wawe, ni we azokijamwo, ati Nuk’ umuremeshe, kukw ari we azocinjiza Abisirayeli.

1 Samweli 16:21

Nuko Dawidi ashitse kwa Sauli arenguka imbere yiwe; Sauli aramukunda cane, amugira ūmutwaza ibirwanishwa.

1 Samweli 16:23

Hanyuma uko ya mpwemu mbi yarungitswe n’Imana yafata Sauli, Dawidi yahitana inanga, agacuraranga; maze Sauli akoroherwa agakira, iyo mpwemu mbi ikamuvako.