1 Samweli 15:33 - Bibliya Yera 1951 1967 (Burundi)

³³ Maze Samweli aramubgira, ati Nk’ukw inkota yawe yagira abagore imbura, ni ko na nyoko abaye imbura mu bandi bagore. Nuko Samweli amuhimbagurira imbere y’Uhoraho i Gilugali.

1 Samweli 15:33 ပူးပေါင်းရင်းမြစ်များ

Itanguriro 9:6

Ūzovisha amaraso y’ umuntu, n’ayiwe azovishwa n’abandi: kuk’ umuntu namuremye mw ishusho yanje, jewe Imana.

1 Abami 18:40

Maze Eliya arababarira, ati Ni mufate abo ba kamenyi ba Bayali, ntihagire ūcika n’umwe. Barabafata; maze Eliya abamanukana ku mugezi Kishoni, abīcirayo.

Kuvayo 17:11

Maze Mose iy’ amanitse amaboko Abisirayeli baranesha: ngw ayamanure, Abamaleki bakanesha.

Kuvayo 21:24

ijisho rihōrwe irindi, iryinyo rihōrwe irindi, igikonjo gihōrwe ikindi, ikirenge gihōrwe ikindi,

Yesaya 34:6

Inkota y’Uhoraho yuzuyekw amaraso, ihāze ibinure, amaraso y’imyagazi y’intama n’impene, n’ibinure vyo ku mafyigo y’amasuguru y’intama; kuk’ Uhoraho yifitiye ikimazi i Bosira, n’ukugeseza gukomeye mu gihugu ca Edomu.

Yeremiya 18:21

Kubg’ ivyo tanga abana babo ubahe inzara, ubagaburire ubugi bg’inkota; abagore babo ni babure abana babo, bateko bapfakare; abagabo babo ni bicwe n’urupfu, imisore yabo ni yicwe n’inkota yo mu ntambara.

Yeremiya 48:10

Aravumwe uwanjanjwa ku gikorwa c’Uhoraho; aravumwe ūbuza inkota yiwe kuvisha amaraso.

Hoseya 6:5

Ni co gituma nzobatemagurisha abavugishwa nanje; nzobicisha amajambo yo mu kanwa kanje; kand’ imanza mbaciriye zizokwira hose nk’umuco.

Guharūra 14:45

Maz’ Abamaleki bamanukana n’Abanyakanani baba mur’ iyo misozi, barabanesha, barabirukana, babashitsa i Horuma.

Matayo 7:2

Kuko, uko muhinyura abandi, ari ko muzohinyurwa namwe; kand’ ingero mugeramwo muzoyigererwa namwe.

Yakobo 2:13

Kuk’ urubanza rutagirira akagongwe ūtāgize akagongwe. Ariko mu rubanza ikigongwe kiratsinda.

Ivyahishuwe 16:6

Bavishije amaraso y’abera n’ay’ abavugishijwe nawe, kand’ amaraso nyene ni yo ubahaye ngo banywe: birababereye.

Ivyahishuwe 18:6

Mumugirire ibihwanye n’ivyo yagiriye abandi, mumugerere kabiri ibikwiranye n’ivyo yakoze. Mu gakarabo yavangiyemwo, mumuvangiremwo kabiri.

Abacamanza 1:7

Adoni‐bezeki aravuga, at’Abami mirongwirindwi naciye ibikumu n’amano manini bāhora batoragura utwo barya musi y’ameza yanje: uko nabagiriye ni kw Imana inshubirije mu nkōko. Nuko bamujana i Yerusalemu, agwayo.

1 Samweli 10:8

Kand’ uz’ unyitangire imbere, umanuke i Gilugali; nanje nyene nzomanuka ngusangeyo, nje kwosa ibimazi no gutanga ivy’ ishimwe. Uz’ undorēre imisi ndwi kugeza igihe nzogusangayo nkakwereka uk’ ukwiye kugenza.

1 Samweli 15:32

Maze Samweli aravuga, ati Ni munzanire hano Agagi umwami w’Abamaleki. Nuko Agagi aza ah’ ari araramanga; aravuga, ati N’ukuri ibamba ry’urupfu rirashize.