1 Samweli 15:3 - Bibliya Yera 1951 1967 (Burundi)

³ None rero genda, utere Abamaleki, ubarandure rwose n’ivyo bafise vyose; ntuz’ ugire uwo uziguriza, arik’ uz’ ugeseze abagabo n’abagore n’abana, mbere n’abonka, bo n’inka n’intama n’ingamiya n’indogoba.

1 Samweli 15:3 ပူးပေါင်းရင်းမြစ်များ

Itanguriro 36:12

Kandi Timuna yar’ incoreke ya Elifazi mwene Esau: Elifazi avyarana na we Amaleki: abo ni bo buzukuru ba Ada, muka Esau.

2 Samweli 1:8

Arambaza, at’ Uri nde? Ndamwishura, nti Nd’ Umwamaleki.

Kuvayo 17:14

Uhoraho abarira Mose, ati Ni wandike ivyo mu gitabo, bibe icibutso; ubibarire Yosuwa, ubimwumvishe, yuko nzozimanganya ukumenyekana kw’Abamaleki, bībagirane mu bo musi y’ijuru bose.

Kuvayo 20:5

ntuz’ uvyikubite imbere, ntuz’ ubisabe, kuko jewe Uhoraho Imana yawe nd’ Imana ifuha, mpōra abana ibigabitanyo vya ba se, nkageza ku runganwe rugira gatatu no ku rugira kane rw’abanyanka,

Guharūra 24:20

Maz’ atuma amaso Abamaleki, yongera kuvugishwa, at’ Abamaleki bār’ aba mbere mu mahanga; Arikw iherezo ryabo n’ukuzorandurwa.

Guharūra 31:17

Nuko rero ni mwice umuhungu wese mu bana, n’umugore n’umukobga wese yigeze kuryamana n’umugabo.

Yosuwa 10:39

ahaneshanya n’umwami waho, n’ibindi bisagara vyaho vyose; abitōngōza inkota, ageseza abāri muri vyo bose: ntiyasiga n’uwa kirazira. Nk’uko yagiriye i Heburoni, bo n’i Libuna n’umwami waho, ni ko yagiriye i Debira n’umwami waho.

1 Samweli 14:48

Akora ivy’ ubuhizi, anesha Abamaleki, arokora Abisirayeli, abakūra mu maboko y’ababanyaga.

1 Samweli 15:18

Kand’ akagutuma ku rubanza, akakubgira, ati Genda ugeseze rwose ba banyavyaha b’Abamaleki, ubarwanye gushitsa baherengeteye?

1 Samweli 15:9

Ariko Sauli n’ingabo ziwe baziguriza Agagi, bo n’ibirusha ibindi ubgiza mu ntama no mu nka no mu mashūri anuze no mu myagazi y’intama, mber’ ivyiza‐vyiza vyose, banka kubigeseza rwose; arikw ibigayitse vyose n’ ibitagira ico bimaze aba ari vyo bageseza rwose.

1 Samweli 22:19

Maz’ i Nobu, igisagara c’abaherezi, akigeseza n’ inkota, abagabo n’abagore, abana n’abonka, bo n’inka n’indogoba n’intama, vyose abimarira ku nkota.

1 Samweli 27:9

Nuko Dawidi ageseza ico gihugu, ntiyagira umugabo cank’ umugore asiga atishe; anyaga intama n’inka n’ indogoba n’ingamiya, asahura n’ impuzu; maze yatabāruka akaja kwa Akishi.

1 Samweli 30:17

Dawidi aca ashirakw arabica, uhereye bugihwībīra ugashitsa ku mugoroba wa bukeye; ntiharokoka n’umwe, atar’ abahungu b’imisore amajana ane, bāsimbiye ku ngamiya bagahunga.