1 Samweli 15:18 - Bibliya Yera 1951 1967 (Burundi)

¹⁸ Kand’ akagutuma ku rubanza, akakubgira, ati Genda ugeseze rwose ba banyavyaha b’Abamaleki, ubarwanye gushitsa baherengeteye?

1 Samweli 15:18 ပူးပေါင်းရင်းမြစ်များ

Itanguriro 13:13

Kand’ Abanyesodomu bār’ abanyavyaha, bacumura k’Uhoraho birengeje urugero.

Itanguriro 14:7

Barakevya, bashika Eni‐mishipati (ari h’i Kadeshi), bazingazinga igihugu cose c’Abamaleki, bo n’ Abamori baba i Hasasoni‐tamari.

Itanguriro 15:16

Kand’ abuzukururuza b’abazojayo ni bo bazogaruka ino: kuko kugabitanya kw’ Abamori kutaruzura.

Yobu 31:3

Mbega ntiyoba ubugesera bubīkirwa umugabitanyi, N’ivyago bibīkirwa inkozi z’ ibibi?

Imigani 10:29

Inzira y’Uhoraho n’igihome gikingira umugororotsi, Ariko n’amahonero ku bakora ivy’ ukugabitanya.

Imigani 13:21

Ivyago bikurikirana abanyavyaha, Arikw abagororotsi bazohērwa ivyiza.

Guharūra 16:38

Maz’ ivyo vyotero vy’ abo banyavyaha nyene bīhamagariye kugesera, babicuremw’ ibintu bibāse vyo kwomeka ku gicaniro, kuko bāvyīgije hafi imbere yanje, jewe Uhoraho, bigatuma biba ivyera, bigacika inyegu: kandi bizobera Abisirayeli ikimenyetso.

Galatiya 2:15

Twebge mu kameremere kacu tur’ Abayuda, ntitur’ abanyavyaha bo mu banyamahanga.

1 Samweli 15:3

None rero genda, utere Abamaleki, ubarandure rwose n’ivyo bafise vyose; ntuz’ ugire uwo uziguriza, arik’ uz’ ugeseze abagabo n’abagore n’abana, mbere n’abonka, bo n’inka n’intama n’ingamiya n’indogoba.