1 Samweli 15:11 - Bibliya Yera 1951 1967 (Burundi)

¹¹ riti Ndicujije icatumye nimika Sauli; kuko yamvuyeko, akanka gukora ivyo namubariye. Maze Samweli araraka, akēsha ijoro atakambira Uhoraho.

1 Samweli 15:11 ပူးပေါင်းရင်းမြစ်များ

Itanguriro 6:6

Uhoraho yicuza ico yaremeye abantu mw isi, bimutera intuntu mu mutima.

Itanguriro 6:7

Uhoraho aravuga, at’ Abantu naremye nzobamara mw isi, uhereye ku muntu n’igikōko n’ icikwega n’ikiguruka mu kirere: kuko nicujije ico nabiremeye.

2 Samweli 24:16

Maz’ umumarayika akibangurira ukuboko i Yerusalemu ngw ahageseze, Uhoraho arīgarura abuza ivyo vyago, abarira uwo mumarayika yageseza abantu, ati Birahaye: garukana ukuboko kwawe. Kand’ uwo mumarayika w’Uhoraho yar’ ahagaze i ruhande y’imbuga ya Arawuna Umuyebusi.

1 Abami 11:9

Maz’ Uhoraho arakira Salomo, kuk’ umutima wiwe wavuye kuri we, kand’ Uhoraho Imana y’ Abisirayeli ari we yari yaramwiyeretse ibihetangabo kabiri,

1 Ivyo ku Ngoma 10:13

Uko ni ko Sauli yatanze, azize ibicumuro vyiwe yacumuye k’ Uhoraho, kukw atitondeye ijambo ryiwe, kandi kuko yaraguje umuntu azi guhamagara imizimu, ngw amusigurize,

1 Ivyo ku Ngoma 21:15

Imana ituma umumarayika i Yerusalemu ngw ahageseze; maz’ akigira ngw ahageseze, Uhoraho aravyitegereza, arīgarura, abuza ivyo vyago, abarira uwo mumarayika yageseza, ati Birahaye: garukana ukuboko kwawe. Kand’ uwo mumarayika w’ Uhoraho yar’ ahagaze i ruhande y’imbuga ya Orunani Umuyebusi.

Yobu 34:27

Kuko bākikamye, bakayiva inyuma, Bakanka gushira umutima ku nzira zayo.

Zaburi 109:4

Urukundo rwanje barwishuye kuba abarwanizi banje, Ariko jeho nitwariritse gusenga.

Zaburi 110:4

Uhoraho ararahiye, ntazokwicuza, At’ Ur’ umuherezi ibihe bidashira Mu buryo bga Melekisedeki.

Zaburi 119:136

Amaso yanje asendanisha inzūzi z’amazi, Kuko batitondera ivyagezwe vyawe.

Zaburi 125:5

Arikw abizimagiriza mu nzira zabo zigoramye, Uhoraho azobashorerana n’ inkozi z’ibibi. Amahoro abe mu Bisirayeli.

Zaburi 36:3

Amagambo yo mu kanwa kiwe n’ukugabitanya n’ubugunge; Yaretse kugira ubgenge no gukora ivyiza.

Zaburi 78:41

Bakihindukiranya, bakagerageza Imana, Bakaratsa Iyera y’Abisirayeli.

Zaburi 78:57

Ariko basubira inyuma, bava mw isezerano nka ba sekuruza: Barahusha, nk’umuheto utaye uruvuto.

Kuvayo 32:11

Mose atakambira Uhoraho Imana yiwe, ati Mbeg’ Uhoraho, n’iki gitumye uburake bgawe bururumba ku bantu bawe wakūje mu gihugu ca Egiputa ububasha bginshi n’ukuboko kw’inkomezi?

Kuvayo 32:14

Nuk’ Uhoraho arīgarura, areka ivyo vyago yari yavuze gutēza abantu biwe.

Yeremiya 11:10

Bahindukiriye ibigabitanyo vya ba sekuruza bāhora banka kwumva amajambo yanje; bakurikiye izindi mana ngw abe ari zo basaba: ab’ inzu ya Isirayeli n’ab’ inzu ya Yuda bishe isezerano ryanje nasezeranye na ba sekuruza.

Yeremiya 13:17

Ariko ni mwanka kuvyumva, umutima wanje uzoririra mu mpisho, urizwe n’ubgibone bganyu; amaso yanje azorira cane, acundugute amosozi, kuk’ umukuku w’intama z’Uhoraho unyazwe.

Yeremiya 34:16

maze murihindukiza, mutukisha izina ryanje, umuntu wese agarukana umuja wiwe ar’ umuhungu cank’ umukobga, abo mwari mwarekuye ngo babe abidegemvya uko bagomba; mubasubiza mu buja ukw ar’ abahungu n’abakobga.

Yeremiya 9:1

Icompa umutwe wanje ukuzuramw’ amazi, amaso yanje akaba isōko y’amosozi, kugira ngo name ndira ku murango no mw ijoro, ndirira abishwe ba wa mukobga, ari bo bgoko bgacu!

Yeremiya 9:18

banyaruke, batangure kuborogera ivyacu, kugira ngw amaso yacu acundugute amosozi, amazi yisuke ava mu bigohe vyacu.

EZEKIYELI 18:24

Arik’ umugororotsi ni yahindukira akava mu bugororotsi bgiwe, agakora ivy’ ukugabitanya, akīgāna ibizira vyose umunyakibi akora, mbega yobaho? Mu bikorwa vy’ubugororotsi vyose yakoze, nta na kimwe kizokwibukwa: ubuhemu bgiwe yagize, n’ivyaha vyiwe yakoze, ni vyo azopfa azize.

Amosi 7:3

Nuk’ Uhoraho aca arīgarura, ati Ntibikibayeho; ni k’Uhoraho yavuze.

Yona 3:10

Maz’ Imana ibona ibikorwa vyabo, ingene bahindukiye, bakareka inzira yabo mbi; nukw Imana irīgarura ngo ntibatēze ivyago yari yabagereye, ntiyabibatēza.

Yona 4:2

Asenga Uhoraho, ati Mbega, Uhoraho, si co navuze nkiri mu gihugu cacu? Ni co catuma nshōka mpungira i Tarushishi; kuko namenye k’ur’ Imana y’inyabuntu, yuzuye imbabazi, iteba kuraka, igira ikigongwe cinshi, kandi yigarura ngo ntizane ikibi.

Zefaniya 1:6

n’ abasubiye inyuma bakareka kunkurikira jewe Uhoraho; n’abatigeze kundondera, canke ngo bagire ico bansiguza.

Matayo 24:13

Arik’ uwihangana, agashitsa kw iherezo, ni we azokira.

Matayo 5:44

Ariko jeho ndababgire: Mukunde abansi banyu, musabire ababahama,

Luka 6:12

Mur’ iyo misi avayo, aja ku musozi gusenga: akesha ijoro asenga Imana.

Abaheburayo 10:38

Ariko, umugororotsi wanje azobeshwaho n’ukwizera, Na ho ni yiyonjorora ntazohimbara umutima wanje.

Yosuwa 22:16

bat’ Ikoraniro ryose ry’Uhoraho ryadutumye, ng’ Uku kuntu mwahemukiye Imana y’Abisirayeli mwagutewe n’iki, ko mwaciye mureka gukurikira Uhoraho, mukiyubakira igicaniro, mukamugarariza aka kanya?

1 Samweli 12:23

Kandi nanje, ntibikanzeko ko noreka kubasengera, ngacumura k’Uhoraho, ariko nzokwama mbarangira inzira nziza itunganye.

1 Samweli 13:13

Maze Samweli abgira Sauli, ati Wakoze ic’ ubupfu; iyo wumvira icagezwe Uhoraho Imana yawe yakugeze, Uhoraho na we yokomeje ubgami bgawe ibihe vyose mu Bisirayeli.

1 Samweli 15:10

Maz’ ijambo ry’Uhoraho riza kuri Samweli,

1 Samweli 15:3

None rero genda, utere Abamaleki, ubarandure rwose n’ivyo bafise vyose; ntuz’ ugire uwo uziguriza, arik’ uz’ ugeseze abagabo n’abagore n’abana, mbere n’abonka, bo n’inka n’intama n’ingamiya n’indogoba.

1 Samweli 15:35

Guhēra ico gihe Samweli ntiyongera kubonana na Sauli kurinda apfa, atar’ ukwama amuririra; kand’ Uhoraho aricuza ico yimikiye Sauli ngw abe umwami w’Abisirayeli.

1 Samweli 15:9

Ariko Sauli n’ingabo ziwe baziguriza Agagi, bo n’ibirusha ibindi ubgiza mu ntama no mu nka no mu mashūri anuze no mu myagazi y’intama, mber’ ivyiza‐vyiza vyose, banka kubigeseza rwose; arikw ibigayitse vyose n’ ibitagira ico bimaze aba ari vyo bageseza rwose.

1 Samweli 16:1

Maz’ Uhoraho abaza Samweli, at’ Uzogeza hehe kuririra Sauli, kandi namaze kwanka kw aba umwami w’Abisirayeli? Uzuza ihembe ryawe amavuta, uheze uze ngutume kuri Isayi w’i Betelehemu, kuko nironkeye umwami mu bahungu biwe.

1 Samweli 8:6

Arikw iryo jambo ribabaza Samweli, ko bavuze ngo n’abahe umwami wo kubacīra imanza; araheza asenga Uhoraho.