1 Samweli 14:48 - Bibliya Yera 1951 1967 (Burundi)

⁴⁸ Akora ivy’ ubuhizi, anesha Abamaleki, arokora Abisirayeli, abakūra mu maboko y’ababanyaga.

1 Samweli 14:48 ပူးပေါင်းရင်းမြစ်များ

2 Samweli 1:22

Umuheto wa Yonatani ntiwatabaruka Utanyoye amaraso y’abishwe, Udasākije mu binure vy’ abahizi; Kand’ inkota ya Sauli ntiyatabaruka ubusa.

Kuvayo 17:14

Uhoraho abarira Mose, ati Ni wandike ivyo mu gitabo, bibe icibutso; ubibarire Yosuwa, ubimwumvishe, yuko nzozimanganya ukumenyekana kw’Abamaleki, bībagirane mu bo musi y’ijuru bose.

Kuvayo 17:8

Maze haza Abamaleki, baterera Abisirayeli i Refidimu.

Gusubira mu Vyagezwe 25:19

Ni co gituma Uhoraho Imana yanyu ni yamara kubakiza abansi banyu bose impande zose, akabaha kuruhukira mu gihugu abahaye kw ishamvu ngo mucegukire, muzoba mukwiye kuzimanganya ukumenyekana kw’Abamaleki, bibagirane mu bo musi y’ijuru bose: ntimuze muvyibagire.

Abacamanza 2:16

Maz’ Uhoraho akabahagurukiriza abacamanza, bakabakiza bakabakūra mu maboko y’abābanyaga.