1 Samweli 14:37 - Bibliya Yera 1951 1967 (Burundi)

³⁷ Nuko Sauli asiguza Imana, ati Mbega mmanuke nkurikire Abafilisitiya? Urabagabura mu maboko y’Abisirayeli? Arik’ uwo musi ntiyamwishura.

1 Samweli 14:37 ပူးပေါင်းရင်းမြစ်များ

2 Samweli 5:19

Maze Dawidi asiguza Uhoraho, ati Ndūge nje gutera Abafilisitiya? Urabagabura mu maboko yanje? Uhoraho aramwishura, ati Dūga ubatere, kuko ntazobura kugabura abo Bafilisitiya mu maboko yawe.

2 Samweli 5:23

Maze Dawidi asiguje Uhoraho, aramwishura, ati Ntudūge ngo mubīsanganize, arik’ ugende inkerera‐mucamo, mubaturuke inyuma, aharābana n’ibiti vyitwa imibaka.

1 Abami 22:15

Nukw ashitse imbere y’umwami, umwami aramubaza, ati Mikaya, tuje gutera i Ramoti‐gileyadi, canke dusigeho? Aramwishura, ati Dūga utere, bizokubera ko, kand’ Uhoraho azohagabura mu maboko yawe, mugenzi!

1 Abami 22:5

Maze Yehoshafati abarira umwami w’Abisirayeli, at’ Enda se banza usiguze ijambo ry’ Uhoraho.

EZEKIYELI 20:3

riti Mwana w’umuntu, vuga, ubarire abakuru b’Abisirayeli, ut’ Uku ni k’Umwami Uhoraho agize, ngo Mbega mwazanywe no kugira ico munsiguza? Ndahiye ukubaho kwanje, ni jewe Umwami Uhoraho mbivuze, nta co nzosiguzwa namwe.

Abacamanza 1:1

Yosuwa amaze gupfa, Abisirayeli babaza Uhoraho, bati Muri twebge ni nde azobanza kuja gutera Abanyakanani ngw abarwanye?

Abacamanza 20:18

Maz’ Abisirayeli barahaguruka baja i Beteli, ngo basiguze Imana; barayibaza, bati Muri twebge ni ba nde bazotangura kuja gutera Ababenyamini? Uhoraho arabishura, at’ Abayuda ni bo bazotangura kugenda.

Abacamanza 20:28

na Finehasi mwene Eleyazari umwuzukuru wa Aroni ni we yahagarara imbere yayo); babaza Uhoraho, bati Mbega dusubire kuja kurwana n’ab’i wacu b’Ababenyamini, canke dusigeho? Uhoraho arabishura, ati Dūga, kukw ejo nzobagabura mu maboko yanyu.

1 Samweli 10:22

Nuko bongera gusiguza Uhoraho, bati Mbeg’ uwo muntu yoba ataraza? Uhoraho arabishura, at’ Ereg’ arinyegeje mu bintu vy’intēkera.

1 Samweli 23:2

Nuko Dawidi asiguza Uhoraho, ati Mbega nje kurwanya abo Bafilisitiya? Uhoraho yishura Dawidi, ati Genda ubarwanye, utabare ab’i Keyila.

1 Samweli 23:4

Nuko Dawidi yongera gusiguza Uhoraho. Uhoraho aramwishura, ati Haguruka umanuke uje i Keyila, kuko nzogabura Abafilisitiya mu maboko yawe.

1 Samweli 28:6

Arikw asiguje Uhoraho, ntiyagira ico amwishura, ari mu nzozi, ari mu buryo bga Urimu, haba no mu bavugishwa na we.