1 Samweli 14:36 - Bibliya Yera 1951 1967 (Burundi)

³⁶ Maze Sauli aravuga, at’ Enda ni muze tumanuke, dukurikire Abafilisitiya iri joro, turāre turabanyaga gushitsa mu macaca, ntihagire umuntu n’umwe dusiga. Baramwishura, bati Kora uk’ ugomba kwose. Arik’ umuherezi ati Ni mwīgire hano twēgēre Imana.

1 Samweli 14:36 ပူးပေါင်းရင်းမြစ်များ

Zaburi 73:28

Ariko jeho kwēgēra Imana ni kwo kumbereye amahirwe: Umwami Uhoraho ni we ngize ubuhungiro, Kugira ngo namamaze ibikorwa wakoze vyose.

Yesaya 58:2

Mugabo bandondera uko bukeye, banezererwa kumenya inzira zanje; nk’ihanga ryakora ivy’ ukugororoka, ntirireke ivyagezwe vy’ Imana yabo, ni ko bansaba ivyagezwe vyo kugororoka, bakanezererwa kwēgēra Imana.

Yeremiya 6:5

Bati Ni mukūre hasi, tudūge mw ijoro, dusangangure ingoro ziwe.

Malaki 2:7

Kukw akanwa k’umuherezi gakwiye kuzigama ubgenge, kandi mu kanwa kiwe ni ho bakwiye kubariza ivyagezwe: kukw ari we ntumwa y’ Uhoraho Nyen’ ingabo.

Guharūra 27:21

Kand’ az’ ahore ahagarara imbere ya Eleyazari umuherezi, amutume kuza imbere yanje kumbaza, apfindishije Urimu; ijambo rya Eleyazari rize ribe ari ryo ribaturutsa, ribacūre, Yosuwa n’Abisirayeli bose, mbere n’ishengero ryose.

Yakobo 4:8

Mwiyegereze Imana, na yo izobēgēra. Yemwe banyavyaha, ni mukarabe: yemwe ab’ imitima ibiri, ni mwiyeze imitima.

Yosuwa 10:19

At’ Ariko mwebge ntimuhatebe: mukurikire abansi banyu, mugende murica ab’ indongorongo bo muri bo; ntimubakundire gusubira mu bisagara vyabo, kuk’ Uhoraho Imana yanyu abagabuye mu maboko yanyu.

Yosuwa 11:14

Iminyago yose y’ivyo bisagara, n’inka zose, Abisirayeli bavyijanira kw iminyago; arikw icitwa umuntu wese bamwicisha inkota, gushitsa babaranduye rwose: ntibasigaza n’umwe agihumeka.

1 Samweli 1:23

Maze Elukana umugabo wiwe aramwishura, ati N’ukore ico ushimye: wigumire aho gushitsa ah’uzomucūkiriza; arik’ Uhoraho n’ashitse ijambo ryiwe. Nuk’ uwo mugore yigumira ngaho, yonsa umwana wiwe, gushitsa aho yamucūkirije.

1 Samweli 11:11

Bukeye Sauli agabanya abantu mw imice itatu, basēseka hagati mu nsago z’Abamoni mu gahuru, baririka Abamoni gushitsa ku musase munini; maz’ abācitse kw icumu aho bashwiragiriye nta na babiri wobonye bari hamwe.

1 Samweli 14:3

harimwo na Ahiya mwene Ahitubu, Ahitubu mukuru wa Ikabodi mwene Finehasi, Finehasi yari mwene Eli, umuherezi w’Uhoraho i Shilo; kandi Ahiya yambara efodi. Arikw abantu ntibamenya ko Yonatani yagiye.