1 Samweli 14:23 - Bibliya Yera 1951 1967 (Burundi)

²³ Uko ni k’Uhoraho yarokoye Abisirayeli uwo musi; kand’ urugamba rurinda rurenga i Beti‐aveni.

1 Samweli 14:23 ပူးပေါင်းရင်းမြစ်များ

2 Abami 14:27

Arik’ Uhoraho ntiyari yaravuze kw azozimanganya izina ry’Abisirayeli musi y’ijuru, nuko rero, abakirisha Yerobowamu mwene Yehowasi.

1 Ivyo ku Ngoma 11:14

Ariko bo bīhagararira muri wa murima, barawurwanira, bica Abafilisitiya; nuk’ Uhoraho atanga intsinzi ikomeye, arabakiza.

2 Ivyo ku Ngoma 32:22

Uko ni k’Uhoraho yakijije Hezekiya n’ababa i Yerusalemu, abakūye mu maboko ya Senakeribu umwami w’i Ashuri, no mu maboko y’abandi bansi bose; nukw abaha impore impande zose.

Kuvayo 14:30

Uko ni k’Uhoraho yakijije Abisirayeli kur’ uwo musi, abakūra mu maboko y’Abanyegiputa. Maz’ Abisirayeli bībonera imivyimba y’Abanyegiputa irambaraye kw isēsero ry’ikiyaga.

Hoseya 1:7

Ariko nzogirira ikigongwe inzu ya Yuda, mbakize jewe Uhoraho Imana yabo; kandi sinzobakirisha umuheto, cank’ inkota, cank’ intambara, cank’ amafarasi, cank’ abayagenderako.

Gusubira mu Vyagezwe 20:4

kuk’ Uhoraho Imana yanyu ari we ajanye namwe, ngw abarwanire n’abansi banyu, abahe kunesha.

Yosuwa 7:2

Yosuwa atuma abantu bava i Yeriko ngo baje i Hayi; hari hafi y’i Betaveni, ku ruhande rw’i Beteli rw’i burasirazuba; arababarira, ati Ni mudūge, muje gutata ico gihugu. Nukw abo bantu baradūga, baja gutata Hayi.

Abacamanza 2:18

Kand’ uk’ Uhoraho yabaha umucamanza, yaba kumwe n’uwo mucamanza, akabakiza, akabakūra mu maboko y’abansi babo igihe cose uwo mucamanza akiriho, kuko vyamutera akagongwe kwumva iminiho yabo banihishwa n’ababahahaza bakabacuranguza.

1 Samweli 10:19

arik’ uyu musi muranse Imana yanyu, kand’ ari yo nyene ubgayo ihora ibakiza mu vyago vyanyu vyose no mu magorwa; mwarayibgiye ngo n’ibahe umwami. Nuko rero, ni muze muhagarare imbere y’Uhoraho, umuryango wose uk’ uri, n’ inzu yose ukw iri.

1 Samweli 13:5

Nukw Abafilisitiya barakorakorana ngo barwanye Abisirayeli; bāri bafise imikogote y’intambara ibihumbi mirongwitatu, n’abagendera ku mafarasi ibihumbi bitandatu, n’ingabo nyinshi nk’umusenyi wo kw isēsero ry’ikiyaga; baradūga, basagaza i Mikimashi ku ruhande rw’i Beti‐aveni ruhera i burasirazuba.

1 Samweli 9:16

at’ Ejo nka magingo aya nzokurungikira umuntu avuye mu gihugu c’Ababenyamini; uz’ umwimikishe amavuta, abe umwami w’abantu banje Abisirayeli. Ni we azokiza abantu banje, abakūre mu maboko y’Abafilisitiya; kuko nitegereje abantu banje, kand’ ugutaka kwabo kwanshitseko.