1 Samweli 14:14 - Bibliya Yera 1951 1967 (Burundi)

¹⁴ Mur’ ukwo kugeseza kwa mbere kwa Yonatani n’ūmutwaje ibirwanishwa, bishe abantu nka mirongwibiri, babatsinda ahantu hangana n’ikivutu umuntu yorima mu gihimba c’umusi.

1 Samweli 14:14 ပူးပေါင်းရင်းမြစ်များ

2 Samweli 17:9

Erega nk’ubu aramaze kwinyegeza mu rwobo cank’ ahandi; maze ni hagira abapfa bagitanguye kurwana, ūzovyumva wese azovuga, ati Habaye agatikizo mu bari kuri Abusalomu.

Abacamanza 15:15

Abona urwāsaya rw’indogoba rutarūma, atuma ukuboko araruraha, arwicisha abantu igihumbi.

Abacamanza 9:54

Aca ahamagara umuhungu w’umusore amutwaje ibirwanishwa, ati Sokōra inkota yawe, umpohoshe, boye kuzovuga, ngo Yishwe n’umugore. Nuk’ uwo muhungu aramusogota, arapfa.

1 Samweli 14:13

Nuko Yonatani aharāmba yāvūra, n’ūmutwaje ibirwanishwa ar’ inyuma yiwe. Ba Bafilisitiya Yonatani arabahindikiranya, bagwa imbere yiwe, n’ūmutwaje ibirwanishwa agenda arabahohosha inyuma yiwe.

1 Samweli 14:15

Maze haba gucika ivutu aho bashagaje n’inyuma yaho, mbere no mu ngabo zose; abo mu nsago na ba banyazi na bo bagwa mu gatengo; isi na yo iratigita, haba gucika ivutu gutewe n’Imana.